JEREMIA 11:17 - Pathien Lekhabu Inthieng (BSI)

¹⁷ Sipaihai LALPA, nangni phun- tu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 11:17 ပူးပေါင်းရင်းမြစ်များ

2 SAMUEL 7:10

Chun, ka mi Israelhai ta dingin hmun ruot ka ta, anni ngei puol hmuna an um a, an insawn ta nawna dingin anni chu phun ka ta, kha hma ang khan mi rilohaiin sukrimsi ta naw ni hai a;

2 CHANCHIN SUINA 28:25

Chun, Juda khawpui hmun tam- taka chun Pathien danghai kuoma riminhnik rawna dingin bâwlhmun- hai a siem a, a thlatuhai Pathien LALPA chu a chawk lungsen ta deu deu a.

INPÂKNA HLABU 44:2

Nangin i kutin hnam tin chu i hnawt suok a, anni chu i phun ta thung a, Mi tin chu i sukrimsih a, anni chu în zârlientir thung a.

INPÂKNA HLABU 80:15

A kûng i kut changtiengin a phun le, A kâu i ta dinga i sukhrât le hin.

INPÂKNA HLABU 80:8

Aigupta rama inthawka grêphrui i hung lâk a, Hnam tin chu i hnawt dawk a, i phun tah a;

ISAI 5:2

Ka idittak chun tlâng hnuoi ṭhatna takah grêp huon a nei a, a vêlin hnuoi a cho khur a; a lunghai chu a rût fai a, grêphrui ṭhatak chi a phun a, a laia chun in insâng a bâwl a, chutaka chun grêp sâwrna khur khawm a cho a; chun, grêp raa ra dingin a beisei a, nisienla- khawm, grêp suok elin a hung ra ta lem a.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

JEREMIA 1:14

Chun, LALPA chun ka kuomah, “Hmâr tienga inthawkin ram hluotu- hai po po chungah thil ṭha naw hung so suok a ta.

JEREMIA 11:11

Chuleiin, LALPA chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienla- khawm, anni chu lo ngai naw ning ah.

JEREMIA 11:13

Aw Juda, i khawpui ni zât ang pei el chun i pathienhai chu an um sih a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 12:2

Nang chun anni chu i phun tah a, anih, zung khawm an kei a; an hung inṭhang a, ra khawm an hung ra tah a; an baua chun nang chu i hla naw hleh a, an sûnga ruok chu i hla a nih.

JEREMIA 18:15

Ka mihai chun an mi thei- nghil a, teplo kuoma chun riminhnik chu an lo raw ta sih a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, tluongpui lam niloa chun;

JEREMIA 18:8

chu hnam, a chungthu ka hril chu an thil ṭha nawa inthawka an hung kîr chun, thil ṭha naw an chunga thaw dinga ka ngaituo chu la kir ka tih.

JEREMIA 19:15

“Sipaihai LALPA Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 2:21

Grêp hrui ṭha mi, a chi indik tak ela ka phun vei che leh, iengtiziea ka ta dinga grêphrui danglam kûng suoka hung inchang el am i ni leh?

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 26:13

Chuleiin, tuhin in thilthawhai le in umdânhai chu siemṭha unla, LALPA in Pathien râwl chu awi ro; chuongchun, nangni dodâla LALPA- IN thil ṭha naw a lo hril ta khawm chu lamlêt a tih.

JEREMIA 26:19

Juda ram lal Hezekia le, Juda mihai po po chun ama chu an that el am a nih? LALPA chu a ṭih a, LALPA ditsakna chu a hnih a; chuongchun, LALPA chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an tih a.

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 32:30

An naupang laia inthawk tah Juda thlahai le Israel thlahai hin ka mithmuah thil suol chu an lo thaw hlak sih a; Israel thlahai chun an kut sinthawhai chun an mi lo suklungsen sih a, LALPA chun a tih.

JEREMIA 35:17

chuleiin, LALPA, Sipaihai Pathien, Israel Pathien chun hieng hin a tih: Ngai ta u, Juda ram chunga le Jerusalem hluotuhai po po chunga chun, an chunga thil ṭha naw tlung ding ka hril ta kha ka hung intlungtir ding a nih; an kuomah thu ka hril a, an ngai naw leiin, anni chu ka ko a, an mi dawn naw leiin,” tiin.

JEREMIA 36:7

An hnina chu LALPA hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna LALPAIN a hril chu a nasa hle sih a,” tiin.

JEREMIA 40:2

Vêngtu pâwl hotu chun Jeremia chu a ṭhuoi a, a kuomah, “LALPA i Pathien chun hi hmuna hin hieng thil ṭha naw hi tlung dingin a ruot tah a;

JEREMIA 40:3

chuongchun, LALPA chun a hung intlungtir a, a hril ang ngei chun a hung thaw tah a; LALPA chunga chun thil in suksuol ta leiin le, a râwl chu in awi naw leiin, hieng thil hi in chungah a hung tlung a ni hi.

JEREMIA 42:10

Hi rama hin in chêng zing chun, rem ka ti cheu a, ṭhiek naw ning cheu, phun ka ti cheu a, phawidawk naw ning cheu, in kuoma thil ṭha naw ka thaw kha ka lamlêt ta sih a.

JEREMIA 44:5

Nisienlakhawm, an ngai nawh a, Pathien danghai kuoma riminhnik raw a an khawhlonahai chu nghat- san dingin an nahai khawm an sit nawh a:

JEREMIA 44:8

chuongahai chun in kut sinthaw- hai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in rawh a; chuong chu hi hnuoia hnam po pohai laia thu- sekawk le, ṭawngsephur le, sât thlâk in ni theina ding chau a ni naw am a nih?

JEREMIA 45:4

Chuongchun, ama kuoma chun hieng hin hril i tih: LALPA chun hieng hin a tih: Ngai ta, ka rem ta chu sukchim ka ta, ka phun ta khawm chu phawidawk ka tih; hi hi ram pumpui sûnga hin:

JEREMIA 7:18

Naupanghai chun thing an inkhâwm a, pahai chun mei an sêm a, nuhmeihai chun bei an hmet a; vân lalnu ta dinga beithlum siem dingin le, lunginsennaa an mi chawktho theina dinga pathien danghai kuoma dâwnmi thilinhlânhai dâm chu bur dingin.

JEREMIA 7:9

Inruin, tuolthatin, uirein, khêla inkhâmin, Baal hmaa chun rimin- hnik rawin pathien in hriet nawhai chu zuiin,

EZEKIEL 17:5

Chun, chu ram thlai chi chu a lâk bawk a, leihnuoi ṭhataka chun a phun tah a; tui tamtak kâwla chun a sieh a; phahrâm thing angin a sieh a.

HOSEA 10:1

Israel chu grêp hrui inbuktak, ra hautak a nih; A ra tam hu ang peiin a mâichâm a sukpung a, A ram ṭhatzie ang peiin lung inser phun ṭhatak tak a siem a,