JEREMIA 11:10 - Pathien Lekhabu Inthieng (BSI)

¹⁰ An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 11:10 ပူးပေါင်းရင်းမြစ်များ

INPÂKNA HLABU 78:57

Ngha kîrin, an thlatuhai angin vervêktakin an thaw ta lem a: Thalngul ringum naw angin an fe kâwi tah a;

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

JEREMIA 13:10

Hi hnam suol ka thu ngai nuom loa, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 17:23

nisienlakhawm, an ngai nawh a, an na khawm an sit nawh a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 22:9

Chun, anni chun, “LALPA an Pathien thuthlung chu an nghatsan a, pathien danghai an biek a, an rawng an bâwl leiin a nih,” tiin dawn an tih.

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni loin, an ta dingin pasal ka ni dea chu, chu ka thuthlung chu an bawsiet a, LALPA chun a tih.

JEREMIA 44:16

“LALPA hminga kan kuoma i thuhril chungthua chun, i thu chu ngai naw ning ungah.

JEREMIA 44:5

Nisienlakhawm, an ngai nawh a, Pathien danghai kuoma riminhnik raw a an khawhlonahai chu nghat- san dingin an nahai khawm an sit nawh a:

JEREMIA 7:28

Chun, an kuoma chun, “LALPA an Pathien râwl khawm ngai loa, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

JEREMIA 9:6

I chêngna hmun chu inhlêmna lailia chun a na; inhlêmna lei chun kei mi hriet khawm chu an nuom naw a nih, LALPA chun a tih.

EZEKIEL 16:59

“Lalpa PATHIEN chun hieng hin a tih: thuthlung bawsea, inkhâm- na hmusita nangin i lo thaw ta ang khan nanga chunga khawm thâwng ka tih.

EZEKIEL 44:7

lungrila sertan lo le tisa khawma sertan lo, hmêlmakhai ka hmun in- thienga um ding le, sukpawrche dinga ka in ngeia in hung lâklût leia in tirdakumna hi huntâwk ta raw se; Bei dâm, sathâu dâm, thisen dâm chu in inhlân lai chun, ka thuthlunghai chu in bawsiet a, in tirdakumnahai chu belsa ding chauin.

EZEKIEL 5:6

Hnamhai nêka rîtlona thawin ka rorêl chunga chun a hel tah a; ram a vêla umhai nêkin ka thuruot chunga chun a hel ta bawk a; ka rorêlhai chu an inkîra, ka thuruothai chu zâwm khawm an zâwm nuom nawh.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni sih a.

HOSEA 6:7

Nisienlakhawm, Adam angin thuthlung chu an bawsiet a, Chutaka chun vervêktakin ka chungah an thaw a nih:

HOSEA 7:16

An ngha kîr a, Achunghnungtak kuomah ni loin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

LEVI DÂN 26:15

ka thuruothai in dit nawh a, in hringnain ka rorêlhai chu a theidah a, ka thupêkhai po po zâwm loa ka thuthlung in bawsiet chun,

ZEPHANIA 1:6

LALPA zuinaa hnungkîrtuhai le, LALPA chu zawng ngai lo a, ama chanchin khawm indawn ngai lohai chu sât thlâng ka tih.”

ZEKARIA 1:4

Inhmaa zâwlneihaiin an kuoma, ‘Sipaihai LALPA chun hieng hin a tih: in thilthaw rilohai le, in um dân khawhlonahaia inthawk khan hung kîr ro,’ a tih tia a hril a, ngai si lohai le, keia tieng khawm pawisa si lohai, in thlatuhai ang khan um naw ro, LALPA chun a tih.

ZEKARIA 7:11

Nisienlakhawm, an pawisa nuom nawh a, an liengko an her- hmang a, an hriet nawna dingin an nahai an suksêt a.

ZEKARIA 7:13

Chun, ama a khêk laiin an ngai nawh a; chuongchun, anni chu khêk an ta, kei khawma ngai naw ningah, sipaihai LALPA chun a tih.

DÂN PAHNINA 31:16

Chun, LALPAIN Mosie kuom- ah, “Ngai ta, i pi le puhai kuomah i ininnghil ding a ni tah a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an ta.

DÂN PAHNINA 9:7

“Thlalêra LALPA lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin LALPA chunga helhmang in na.

HEBRAIHAI 8:9

An thlatuhai Aigupta rama ṭhuoi suok dinga, An kuta ka chel nia, Ka thuthlung ang kha ni loin; Ka thuthlunga chun an um zing si nawh a, Chuongchun, anni chu ka ngaisak ta naw a nih, Lalpain a tih.

RORELTUHAI 2:11

Chun, Israel thlahai chun LALPA mithmuhah thil suol chu an lo thawh a, Baalhai rawng an bâwl tah a.

RORELTUHAI 2:17

Chuong sa khawm chun an rorêltuhai râwl chu an ngai nawh a, pathien danghai kuomah an uireh a, chibai an bûk ta lem a; an thlatuhaiin LALPA thupek chu awia an hraw hlak lampui chu an lo pêtsan tah a.

RORELTUHAI 2:19

Nisienlakhawm, rorêltu chu a thi phingleh an hnungtawl nâwkin, pathien danghai rawng bâwla chi- bai bûk dinga zui thuah an thlatu- hai nêkin an thaw ṭha naw nâwk- zuol a, an thil thaw hlakhai le an ngawltâwtna khawm an bân chuong nawh a.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si nawh a,” a ta. Chun, Samuel chu a lunginsen a, zânkhawvârin LALPA chu a ko a.