JEREMIA 10:9 - Pathien Lekhabu Inthieng (BSI)

⁹ Tangkaruo thlênghaia sut, Tar- sisa inthawka hung lâkhai le, Uphaza inthawka rângkachak, themthiem le rângkachak thîrsu kuthai sinthaw chu: a dum pâwl le a dum êm chu an thuom dingin, mi themthiemhai kutsuok vawng an nih.

JEREMIA 10:9 ပူးပေါင်းရင်းမြစ်များ

1 LALHAI 10:22

Lal chun tuisuorieta chun Hiram lawng ruol inkawppuitu ding Tarsis lawng ruol a nei a, Tarsis lawng ruol chun kum thum dan peiah rângkachak dâm, tangkaruo dâm, saiha dâm, zâwng dâm, ârâwnhai dâm, a hung phur hlak a.

2 CHANCHIN SUINA 9:21

Huram siehlawhai le Tarsisa fe hlak lal chun lawnghai inkawppui a nei sih a, kum thum dan peiah Tarsis lawnghai chu hungin rângkachak dâm, tangkaruo dâm, saiha dâm, zâwng dâm, ârawn dâm a hung phur hlak a.

INPÂKNA HLABU 115:4

An milimhai chu tangka le rângkachak an na, Mihriem kutsuok an nih.

INPÂKNA HLABU 72:10

Tarsis ram le thlierkâra lalhaiin lâwmman hung chawi an ta, Seba le Sheba ram lalhaiin thilpêk hung inhlân bawk an tih.

ISAI 23:6

Tarsisah va kai unla; thlierkâra umhai, khêk rak rak ro.

ISAI 40:19

Mi lim siemfâwm hi, sinthaw mi chun a sung a, rângkachak sut mi chun rângkachakin ân luon a, chu chu ding chun tangka khaidiethai a sungpêk hlak.

EZEKIEL 27:12

Hausakna tinrêng tam leiin Tarsis chu i sumdâwngtu a na; tang- karuo le, thîr le rângva le, suonin i chan dingin an sumdâwng a.

EZEKIEL 27:7

Nangma inchikna bîk a nina dingin I puonzâr chu Aigupta mi puon zai inhmi ṭiel a nih. I inchung chu Elisa thlierkâra inthawka dumpâwl le sendukin.

DANIEL 10:5

ka mithai vân tieng ka hang inlên a, ka en a, mi pakhat puon zai inhmia inthuom, a kâwnga Uphaz rângka- chak inthienga inkhit hi ka hmuh a;

HOSEA 8:6

Israela inthawk chun hi hi a ni sih a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

JONA 1:3

Nisienlakhawm, Jona chu LALPA hmaa inthawka Tarsis-a tlân hmang dingin a tho tah a; chun, Joppa khuoah a zuk feh a, Tarsis khaw pan ding lawng a hmuh a, chuongchun, a chuong man ding chu a pêk a, LALPA hmaa inthawk chun Tarsis pan dinghai le fe dingin lawnga chun a lût thla ve tah a.

HABAKKUK 2:19

Thing kuoma chun, “Harrawh,” ti a, Lung kuoma chun, “Tho rawh,” titu chu a chung a rik ie! Hi hin ân chûktir ding am a nih? En ta u, rângkachak le tangkaruo inluon khum a na, Amaa hin inthuokna hrim a um dêr nawh.