JEREMIA 10:19 - Pathien Lekhabu Inthieng (BSI)

¹⁹ Ka natna lei chun ka chung a va rik de! ka hliemna chu a nasa hle a; nisienlakhawm, “Indiktakin hi hi ka natna chu a na, ka tuor ding hrim a nih,” ka tih a.

JEREMIA 10:19 ပူးပေါင်းရင်းမြစ်များ

INPÂKNA HLABU 39:9

Nangma thaw a ni leiin, Ka ṭawng nawh a, ka bau ka ka bawk nawh.

INPÂKNA HLABU 77:10

Chun, “Chu chu ka hrât nawna lei a nih; Nisienlakhawm, Achunghnung- tak kut changtieng kumhai kha hre zing ka tih.

ISAI 8:17

Kei chun Jakob sûnghai laia a hmai thuptu LALPA chu nghâk ka ta, ama chu thlîr zing ka tih.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 14:7

Kan suolnahai chun keini a mi hêk khawma, Aw LALPA, i hming leiin nangin sin thaw la, kan hnung- tawlnahai chu a tam hle ta sih a; i chunga chun thil kan lo suksuol ta a nih.

JEREMIA 17:13

Aw LALPA, Israel beisei, nang- ma nghatsantuhai che chu inzak an tih; nangma mâksantuhai chu, LALPA, tuihring tuikhur chu an nghatsan tâk leiin hnuoia chun ziek nîng an tih.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet sih a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang sih a,” titu râwl chu a nih.

JEREMIA 8:21

Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

ṬAP HLA 3:48

Ka mihai naunu suksieta a umna lei chun, ka mit chu vadungpui tui angin a luong a.

MIKA 7:9

LALPA chunga chun thil ka suksuol ta leiin, a lungninawna nasa- tak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.