JEREMIA 10:16 - Pathien Lekhabu Inthieng (BSI)

¹⁶ Jakob chanvo chu hieng ang hi a ni ve nawh a; thil po pohai siemtu chu a na; Israel chu a rochan hnam a na; sipaihai LALPA chu a hming a nih.

JEREMIA 10:16 ပူးပေါင်းရင်းမြစ်များ

INPÂKNA HLABU 119:57

LALPA chu ka chanvo a nih, I thu chu zâwm ka tih ti ka hril ta kha.

INPÂKNA HLABU 135:4

LALPA chun Jakobhai hi ama ta dingin a thlang sih a, Israelhai hi a ro bik dingin a thlang bawk a.

INPÂKNA HLABU 142:5

Aw LALPA, ka ko cheh a, “Nang chu kân humhimna, Mi hring rama ka chanvo i nih,” ka tih a.

INPÂKNA HLABU 33:6

LALPA thuin vânhai chu siem a na, Chuonga umhai po po khawm chu a baua thuok chun siem an ni bawk a.

INPÂKNA HLABU 73:26

Ka taksa le ka lungril hi a chau tah a, Nisienlakhawm, Pathien chu kumkhuoa ka lungril hrâtna ding le ka chanvo a nih.

INPÂKNA HLABU 74:2

I mihai inkhâwmhai, inhmaha i închâwk, Hnam i ro dinga i întlan kha, hre zing rawh; I umna hlak Zion tlâng leh.

FESUOKNA 19:5

Chuleiin, tuhin, ka thu in awi tak tak a, ka thuthlung in kawl tak tak ding chun, hnuoi hi ka ta a ni sih a, hnam dang po po lai chun ka ta dingin ro bîk nîng in tih.

FESUOKNA 34:9

“Tuhin nanga mithmuah lungin- sietna ka hmu ta chun, Aw Lalpa, ka ngên che, Lalpa chu keini lai fe ve raw se; mi kâwmaw ni de hai sien khawm, kan khawhlona le suolna chu mi ngaidam la, i rochan dingin nangin mi la rawh,” a tih a.

THUVARHAI 16:4

LALPA chun thil tinrêng hi san nei sengin a siem a, Anih, mi khawhlo ngei khawm chu ni ṭha nawa dingin.

ISAI 19:25

sipaihai LALPA chun, “Ka mi Aiguptahai le ka kutsuok Assuria- hai le ka rochan Israelhai chu malsâwmin um raw se,” tiin mal a sâwm sih a.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi LALPA, chuong thilhai po po thaw hlaktu chu ka nih,” tiin.

ISAI 47:4

A mîn tlantu chu a hming sipai- hai LALPA a na, Israelhai Mi Inthieng chu.

ISAI 47:6

Ka mihai chungah ka lunginsen a, ka rochan chu ka sukpawrcheh a, i kutah pêng ka ti cheh a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 51:15

Kei LALPA i Pathien, a fâwnhai chu inri hum hum khawpa tuisuoriet chawklettu chu ka ni sih a; ka hming chu sipaihai LALPA a nih.

ISAI 54:5

Nangma siemtu chu i pasal a ni sih a; a hming chu sipaihai LALPA a nih; Israelhai Mi Inthieng chu nang- ma intlantu a ni bawk a nih; ama chu khawvêl po po Pathien tîng an tih.

JEREMIA 10:12

A thilthawtheina chun hnuoi chu a siem a, a varna chun khawvêl chu a lo tungding tah a, a hrietthiem- nahai chun vânhai khawm chu a lo keiphar tah a;

JEREMIA 10:6

Aw LALPA, nanga ang hi tu- khawm an um nawh, i ropuia, i hming chu thilthawtheinain a ropui bawk a.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu LALPA chun hieng hin a tih: ama chu sipaihai LALPA chu a hming a na;

JEREMIA 32:18

nang chun sâng kuoma zâ- ngaina inentira, pahai suolna chu an nauhai ângsûnga thungna petu, Pathien thilthawthei, ropui le, sipai- hai LALPA chu a hming a nih;

JEREMIA 33:2

“LALPA a thawtu, indin dinga LALPA a siemtu chun hieng hin a tih: LALPA ti chu a hming a nih:

JEREMIA 46:18

Laltak a hming khawm sipaihai LALPA chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai LALPA chu a hming a nih.

ṬAP HLA 3:24

Ka thla chun, “LALPA chu ka chanvo a na, chuleiin, amaa chun beisei ka tih,” a ta.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming LALPA, sipaihai Pathien chu a ni sih a.

ZEKARIA 2:12

Chun, ram inthienga chun LALPA chun a chanpuol dingin Juda chu hluong a ta, Jerusalem chu thlang tâng a tih.”

DÂN PAHNINA 32:9

LALPA chanvo chu a mihai an na, Jakobrawi chu a rochan an nih.