JEREMIA 10:14 - Pathien Lekhabu Inthieng (BSI)

¹⁴ Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

JEREMIA 10:14 ပူးပေါင်းရင်းမြစ်များ

INPÂKNA HLABU 14:2

“Hrethiema Pathien zawng hrim hrim an um am?” ti hre dingin, LALPA chun vâna inthawkin mihriem nauhai hi a zuk en a.

INPÂKNA HLABU 92:6

Mi mâwl chun hi hi a hriet nawh a; Mi invêtin a hrietthiem bawk nawh:

INPÂKNA HLABU 94:8

Mi laia mi ngawnghai ngaituo ro, Mi invêthai, iengtik am var in ti aw!

INPÂKNA HLABU 97:7

Milim siemfâwmhai rawngbâwl- tuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

THUVARHAI 30:2

Mi dang hrim hrim nêkin ka ngawng bîk a ni ngei âwm, Mihriem hrietthiemna khawm hi ka nei nawh.

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

ISAI 44:11

Ngai ta, a pâwlpuihai po po chu muolpho an tih; sinthaw mihai khawm mihriem laia mi an nih; an rêngin inkhâwm vawng hai sienla, ngîr raw se; ṭîng an ta, muolpho tâwl an tih.

ISAI 45:16

Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

ISAI 57:12

I felna thu hi hril ka ta, i thil- thawhai chu i ta dingin ienga ṭha- hnem ni naw nih.

JEREMIA 10:5

Leipuia vate ṭi milim ang an na, nisienlakhawm, an ṭawng nawh a; an fe thei naw leiin zâwn an ngai a. Anni chu ṭi naw la, thil suol khawm an thaw thei nawh a, annia chun thil ṭha thawna ding khawm a um bawk nawh.

JEREMIA 10:8

Anni chu ngawngtak le invêt an na, milim inchûktirna chu thing bul el chu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:25

Pathien thutak chu khêla inchangtirin, a siemtu biek nêkin a isiemhai chu bein an rawng an bâwl ta lem sih a. A siemtu chu kumkhuoa inpâk tlâk a nih! Amen.

1 SAMUEL 5:4

Chun, a zîngnâwk zîngkâr an hang tho chun, ngai ta, LALPA bâwm hmaa chun Dagon chu a hmaia hnuoi sikin a lo tlu dêr el a; Dagon lu le a kutpha bâwr khing hni bawng chu kawtkhâr bula chun a lo inhlum ngul el a; Dagon chu a taksa chau a lo um el tah a.