JEREMIA 1:19 - Pathien Lekhabu Inthieng (BSI)

¹⁹ Chuongchun, do an ti cheh a; amiruokchu, hne naw ni hai che; nangma sanhim ding chein i kuom- ah ka um sih a, LALPA chun a tih,” tiin.

JEREMIA 1:19 ပူးပေါင်းရင်းမြစ်များ

INPÂKNA HLABU 129:2

“Ka naupang chîntea inthawk mihaiin vawi tamtak an mi suklungzîng a, Nisienlakhawm, an mi hne si nawh.

JEREMIA 1:18

Ngai ta, vawisûn hin ram po po hmaah, Juda lalhai chunga le, chu- taka rorêltuhai chunga le, thiempu- hai chunga le, chu rama mipuihai po po chunga chun dârsen banghai, thîr sûtpuihai le khawpui kul neiah ka siem che hi.

JEREMIA 1:8

Anni lei chun ṭi naw la, Nang chu sanhim ding chein i kuomah ka um sih a; LALPA chun a tih,” tiin.

JEREMIA 11:19

Nisienlakhawm, berâmte zai- nêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun sât thlâng ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet nawh a.

JEREMIA 11:21

Chuleiin, i hringna lâk tumtu Anathoth mihai chungthua chun LALPA chun hieng hin a tih; anni chun, “Kan kuta i thi nawna dingin LALPA hming chun thu hril naw rawh,” an ta;

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 2:1

Chun, LALPA thu chu ka kuomah a hung tlung a,

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an tih a.

JEREMIA 20:11

Nisienlakhawm, LALPA chu mi thilthawtheitak le ṭium angin ka kuoma chun a um a; chuleiin, a mi sukrinumtuhai chu insui thlûng an ta, hlawtling naw ni hai; vartaka an lo thaw ta naw leiin, anni chu kum- khuoa theinghil ta lo ding inza- puiuma chun inzak ngei an tih.

JEREMIA 26:8

Chun, LALPAIN hril dinga thu a pêk po po mipuihai po po kuoma Jeremia chun a hril zo chun, thiem- puhai le, zâwlneihai le mipui po po chun ama chu an man a, “I thi ngei ngei ding a nih.

JEREMIA 30:11

Nangma sandam ding chein i kuomah ka um sih a, LALPA chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti cheh a, hrem loin ieng kawnga khawm mâk- san naw ning che.

JEREMIA 39:17

Nisienlakhawm, nang chu, chu ni chun sansuok ka ti cheh a, mi iṭihai kuta chun pêk ni naw ti ni, LALPA chun a tih.

JEREMIA 42:11

In iṭitak Babulon lal chu ṭi naw unla, ama chu ṭi naw ro, LALPA chun a tih: a kuta inthawka sanhima san- dam ding cheuin kei in kuomah ka um zing sih a.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

DANIEL 3:25

Ama chun a dawn a, “En ta u, mei laia khun mi pali sût sain inlawnin ka hmuh a, na hrim an ti nawh; a palina hmêl putzie chu pathienhai naupa ang a nih,” a ta.

NAMBAR 14:9

LALPA chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; LALPA chu ei kuomah a um annâwm; anni chu ṭi naw ro,” tiin an hril a.

THILTHAWHAI 26:17

Mi po po le Jentailhai kuta inthawkin sanhim ka ti che.

JOSUA 1:9

Hrâttak le huoitakin um rawh; ṭi naw la, zâm bawk naw rawh, LALPA i Pathien chu i fena taphawtah i kuomah a um pei ding annâwm,” tiin, a hril a.