JEREMIA 1:18 - Pathien Lekhabu Inthieng (BSI)

¹⁸ Ngai ta, vawisûn hin ram po po hmaah, Juda lalhai chunga le, chu- taka rorêltuhai chunga le, thiempu- hai chunga le, chu rama mipuihai po po chunga chun dârsen banghai, thîr sûtpuihai le khawpui kul neiah ka siem che hi.

JEREMIA 1:18 ပူးပေါင်းရင်းမြစ်များ

ISAI 50:7

Lalpa PATHIEN chun a mi ṭhangpui ding a ni sih a; chuleiin, kân zak ngai nawh a; chuleiin, meitâwk- lung ang tlatin ka ngha hlak, muol- pho naw ning ti ka hriet.

JEREMIA 1:17

Chuleiin, nang chun i dier kei la, tho la, thu ka pêkhai po po che kha an kuomah hril rawh; annia chun beidawng naw la, chuong naw chun, an hmaa chun sukbeidawng rawi ka ti che.

JEREMIA 1:19

Chuongchun, do an ti cheh a; amiruokchu, hne naw ni hai che; nangma sanhim ding chein i kuom- ah ka um sih a, LALPA chun a tih,” tiin.

JEREMIA 15:10

Nu, ka chung a va rik de! hnuoi chung po poa insêl mi le inkhing mia i mi lo nei hi chu! a pung umin kân pûktir ngai nawh a, kei khawm tu- khawma a pung umin an mîn pûktir bawk nawh; amiruokchu, an rêng elin ṭawngsie an mi lân phur ta rawp hi.

JEREMIA 15:20

Chun, hi hnam ta ding hin dârsen bang kulah siem ka ti cheh a; nang chu hung do hlak an ti cheh a, nisienlakhawm, hne ngai naw ni hai che; sandam ding le sansuok ding chein i kuomah ka um zing sih a, LALPA chun a tih.

JEREMIA 20:11

Nisienlakhawm, LALPA chu mi thilthawtheitak le ṭium angin ka kuoma chun a um a; chuleiin, a mi sukrinumtuhai chu insui thlûng an ta, hlawtling naw ni hai; vartaka an lo thaw ta naw leiin, anni chu kum- khuoa theinghil ta lo ding inza- puiuma chun inzak ngei an tih.

JEREMIA 21:4

Israel Pathien, LALPA chun hieng hin a tih. Ngai ta, in kuta indona hriemhrei kul puoa, nangni hung inhuoltuhai cheu, Babulon lal le Kaldaihai i donahai chu inherkîrtir ka ta, hi khawpui sûnga hin anni chu kei khâwm ka tih.

JEREMIA 26:24

Nisienlakhawm, Saphan naupa Ahikam kut chu Jeremia kuoma chun a um a, ama chu that dinga mipui kuoma an pêk nawna dingin.

JEREMIA 34:3

nang khawm a kuta inthawk chun suok naw ti nih a, ṭhuoi ni ngei ngei i ta, a kuta pêk i ni ding a nih: Babulon lal mithai chu nanga mithai ngei chun hmûng a ta, ama chun bau inphâkin i kuomah thu hril a tih; chun, nang chu Babulonah fe bawk i tih.

JEREMIA 37:7

“LALPA Israel Pathien chun hieng hin a tih: Ka kuoma thu indawn dinga nang ka kuoma tirtu che, Juda ram lal kuoma chun hieng hin hril rawh: Ngai ta, Pharao sipaihai nang- ma ṭhangpui dinga hunghai chu, an ramah Aiguptaa bawk chun kîr nâwk an tih.

JEREMIA 38:18

amiruokchu, Babulon lal rorêl- tuhai kuomah în pêk naw chun hi khawpui hi Kaldaihai kuta chun pêk nîng a ta, meiin râwng an ta, an kuta inthawk chun nang khawm suok- thleng naw ti ni,” a ta.

JEREMIA 38:2

“Lalpa chun hieng hin a tih: Khawpui sûnga umhai chu kâwl- hnâm le ṭâm le, hripuiin thîng an ta; Kaldaihai kuoma va fe chu hring an tih; a hringna chu insanhim a ta, hring a tih,

JEREMIA 42:22

Chuleiin, tuhin, chutaka va mi- khuol in nuomna hmuna chun, kâwl- hnâm le, ṭâm le hripuiin thîng in tih ti hi hre ngei ngei ro,” tiin.

JEREMIA 6:27

Ka mihai laia chun vêngna in insânga le kulpuiah ka siem cheh a, an lampui chu i hriet a, i fie theina dingin.

JOHAN 1:42

Chuongchun, Isu kuomah a hung ṭhuoi a, Isûn ama chu a lo en a, “Johan naupa Simon i nih, Kipha tîng an ti che,” a ta, (chu chu Peter tina a nih.)

THUPUONGSUO 3:12

A hnetu taphawt chu ka Pathien biekina chun banah siem ka ta, chutaka inthawk chun suok ta naw ni; chun, amaa chun ka Pathien hming leh, ka Pathien khuo Jerusalem Thar, ka Pathien kuoma mi vâna inthawka hung ṭum ding hming leh, ka hming thar leh ziek ka tih.