JEREMIA 1:15 - Pathien Lekhabu Inthieng (BSI)

¹⁵ Ngai ta, hmâr tienga lalram sûngkuohai po po chu ka ko ding a ni si a, LALPA chun a tih; chun, hung an ta, mi tin chun Jerusalem dai kawt- khâr lûtnaa le a vêlsuokin kul bang- hai bula le, Juda khawpuihai po poa chun an lalṭhungpha chu hung innghat an tih.

JEREMIA 1:15 ပူးပေါင်းရင်းမြစ်များ

ISAI 22:7

Chun, i ruom ṭhatakhai chu taw- lailîrhaiin a sip tah a, sakawr chung chuong mihai chu kul kawtkhâr bula chun an intlim hmur a.

JEREMIA 10:22

Thuthang râwl chu, ngai ta, a hung mêk a nih, Juda ram chu râusan le sihalhai chêngna hmuna siem dingin hmâr ram tienga inthawk buoina nasatak a hung mêk a nih.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo sih a; anih, ama chu an fâk zo a, an kâng- hmang dêr a, a umna khawm chu an suksiet a.

JEREMIA 13:20

I mithai kha hang inlên la, hmâr tienga inthawka hunghai saw en ta, i berâm ruol, nanga kuoma pêka um, i berâm ruol mawitak el kha khâwlai am a um a?

JEREMIA 25:28

Chun, i kuta no chu dâwn dinga an nuom naw chun, an kuoma chun hieng hin tîng i tih: “Sipaihai LALPA chun hieng hin a tih: In dâwn ngei ding a nih,” tiin.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, LALPA chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 33:10

“LALPA chun hieng hin a tih: ‘Sa le mihriem khawm um loin a sie a,’ in ti, hi hmuna le, Juda ram khawpui- haia le, hluotu um loa, ran khawm um loa râusan Jerusalem kawtthlêrahai chun hieng hi hriet la nîng a tih:

JEREMIA 34:1

Babulon lal Nebukadnezzar le a sipaihai po po le, a ram sûnga hnuoi chunga lalram po pohai le mi po poin Jerusalem le a khawpuihai po po an do laia LALPA kuoma inthawka Jeremia kuoma thu hung tlung chu:

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; LALPA chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um loa râusanah siem ka tih,” tiin.

JEREMIA 39:3

Jerusalem lâk a ni ni chun, Babulon lal rorêltuhai po po chu an hung lût a, dai kawtkhâr lailung, Nergal-sarezera dâm, Samgar-neboa dâm, Sarsekima dâm, Rabsarisa dâm, Rabmaga dâm, Babulon lal rorêltu dang po pohai le chun an ṭhung tâwl a.

JEREMIA 4:16

hnamhai kuoma chun hrilna nei rawh; ngai ta, Jerusalem chunga chun phuong la, vêngtuhai chu ram hlataka inthawkin an hung a, Juda khawpuihai chu demin an râwlhai an insuo a nih.

JEREMIA 4:6

Zion tienga chun puonzâr chu khai unla, himna dingin tlânhmang unla, muong naw ro; hmar tienga inthawkin thil ṭha naw sietna nasa- tak chu ka hung intlungtir ding a ni sih a.

JEREMIA 43:10

chun, an kuoma chun, ‘Sipaihai LALPA, Israel Pathien chun hieng hin a tih: Ngai ta u, mi tir ka ta, ka siehlaw Nebukadnezzar Babulon lal chu hung ṭhuoi ka ta, kha lung ka phûmhai chunga khan a lalṭhungpha chu innghat a tih; chuong chunga chun a lal puon in chu zar a tih.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni tah a.

JEREMIA 46:24

Aigupta naunu chu sukzak nîng a ta; hmârtienga mihai kuta chun pêk suok nîng a tih.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, LALPA chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

JEREMIA 6:22

LALPA chun hieng hin a tih: ngai ta, Hmâr tieng rama inthawkin hnam pakhat a hung a, leihnuoi kil khâwrtaka inthawk chun hnam ropuitak chu suktho nîng a tih.

JEREMIA 9:11

Chun, Jerusalem chu hmun- hnawk intiengkhâwmna le, satene- hai ta dinga chêngna hmunah siem ka tih; Juda khawpuihai khawm chu hluotu um loa râusanah siem bawk ka tih. Hi hi hrethiem thei dinga mi var tu am a um a?

ṬAP HLA 5:11

Nuhmeihai chu Zionah suollui an nih a, Nunghâkhai chu Juda khawpuihaiah an suol- lui a.

EZEKIEL 32:30

Hmârtienga rorêltuhai an rêngin, Zidon mihai po po leh, thata umhai laia lo fe thla tahai chu an um a; an thilthawtheinaa ṭitumnahai an lo inumtirhai po poa chun an inzak a; kâwlhnâma thata lo um tahai le chun sertan loin an zâl tah a, chun, vân- sama lo fe tahai le chun an inzakna chu an phur a.

JOEL 2:20

amiruokchu, in kuoma in- thawkin hmârtieng sipai ruol chu sawnhmang dai ka ta, ram ṭâwl le râusannaah infetir ka tih, a hmasa pâwl saktieng tuisuorietah, a nu- hnung pâwl thlangtieng tuisuorietah; hung ṭhuoi suok a ta, rimsetakin hung innam a tih, thil nasatak a thaw ta leiin.

ZEKARIA 6:6

Tawlailîr sakawr dum ihnûk chu hmâr ram tieng a fe suok hlak a; a vâr ihnûk chun a zui a; chun, a râng ihnûk chu simtieng rama chun a fe suok a.