JEREMIA 1:10 - Pathien Lekhabu Inthieng (BSI)

¹⁰ En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 1:10 ပူးပေါင်းရင်းမြစ်များ

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “LALPA, a hmaa ka ngîrna hlak, Israelhai Pathien hring- na sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

1 LALHAI 19:17

Chun, Hazael kâwlhnâm pum- pel taphawt chu Jehu chun that a ta, Jehu kâwlhnâm pumpel taphawt chu Elisa chun that a tih.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

JEREMIA 1:5

“Phîng sûnga ka siem hma che khawma ka hriet cheh a, Sula inthawka i hung suok hma khawma ka sukthieng ta cheh a: Hnamhai kuoma zâwlnei dingin ka lo thlang ta che a nih,” tiin.

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 25:13

Chu ram chunga ka thuhai tlung dinga ka hril tah, hi lekhabua ziek ta ngeihai, Jeremia chun hnam- hai chu dodala a lo hril tahai ngei chu hung intlungtir ka ta.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, LALPA chun a tih.

JEREMIA 31:40

Chun, mithi ruong phairuom pumpui le, vut phairuom le Kidron vadungtê chen, saktienga sakawr dai kawtkhâr chen ram po po kha, LALPA chanpuol nîng a tih, sukdar ni naw nih a, kumkhuoin pei thlâk khawm ni bawk naw nih.

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 44:27

Ngai ta u, thil ṭha tiengah ni loin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwl- hnâm dâma anni chu sukbohmang nîng an tih.

JEREMIA 45:4

Chuongchun, ama kuoma chun hieng hin hril i tih: LALPA chun hieng hin a tih: Ngai ta, ka rem ta chu sukchim ka ta, ka phun ta khawm chu phawidawk ka tih; hi hi ram pumpui sûnga hin:

EZEKIEL 21:19

“Nang mihriem naupa, Babulon lal kâwlhnâm chu a hung theina dingin lampui pahni ruot bawk rawh; An pahni chun ram pakhata in- thawkin hung suok an ta; hmun pa- khat inchik an ta, khawpui lûtna lam tluongpui laia chun inchik an tih.

EZEKIEL 23:36

Chu nawa khawm chun LALPA chun ka kuomah a hril a, “Mihriem naupa, Ohola le Oholiba chungthu hi i rêl ding am? an tirdakumnahai chu anni hril la.

EZEKIEL 32:18

“Mihriem naupa, Aigupta mipui ta ding chun ṭap inrûm la, vânsama lo fe thla tahai le chun, hnuoi khing- tieng panga chun, hnam hming in- thangtak tak naunuhmeihai le, ama leh pei thla rawh.

EZEKIEL 36:36

Chun, nangni vêla hnam mâk- sana la umhai po po chun kei LALPA ngei hin hmun se tahai chu ka bâwlin, râusana um tahai khawm ka tungding a nih ti hre tâng an tih; kei LALPA ngeiin ka hril tah a, thaw bawk ka tih.

EZEKIEL 43:3

Chun, thilhmulâwk ka ihmu tah, khawpui chu sukse dinga a hung laia thilhmulâwk ka hmu ang tak, chu thil hmulâwk chu Kebar vadung panga thilhmulâwk ka hmu ang kha a nih; chuongchun, ka hmaiin hnuoi ka sik tah a.

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

AMOS 3:7

Indiktakin Lalpa PATHIEN chun a rawngbâwltu, a zâwlneihai kuoma a thurûk hril loin iengkhawm thaw naw ni.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.