JAKOB 2:14 - Pathien Lekhabu Inthieng (BSI)

¹⁴ Ka unauhai, miin, “Ringna ka nei,” ti sienla, thilthaw a ṭhang si naw chun ieng am ṭhahnem a ta? chuong ang ringna chun ama a sandam thei ding am a nih?

JAKOB 2:14 ပူးပေါင်းရင်းမြစ်များ

JEREMIA 7:8

Ngai ta u, thukhêlhliphai, ṭhat- hnemna neilohai chu in ring a.

MATTHAI 5:20

In felnain Dân inchûktirtuhai le Pharisaihai felna a khûm naw chun vân ramah lût naw tawp in tih ti ka hril cheu a ni hi.

LUKA 3:11

Ama chun an kuomah, “Tu- khawm zakuo pahni nei chun a nei naw kuomah pe raw se; tukhawm fâk nei chun chuong ang bawkin thaw raw se,” a ta, a dawn a.

LUKA 6:49

Amiruokchu, hrea zâwm naw chu, lung phûm loa, hnuoi chung ela in bâwltu ang chu an nih; tuihrâtin chu chu a khawh a, a chim nghâl tah a: a chim chu nasatak a nih,” a ta.

THILTHAWHAI 15:9

chun, anni le eini thlier bîk loin, ringnain an lungril a sukthieng tah a.

THILTHAWHAI 8:13

Chun, Simon rau khawmin a âwi ve tah a, chun baptisma a chang zo chun, Philip kuomah a um zing a. Inchikna le thilmak nasatak thawa umhai chu a hmu veh a, mak a ti hle hlak a.

THILTHAWHAI 8:21

Hieng thua hin i ṭhang ve nawh, chan khawm i nei bawk nawh; i lungril Pathien ngaiin a fel nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:25

Dân zâwmtu i ni chun sertan chu a sâwt tak zet a nih; Dân bawsetu i ni ruok chun i sertan chu tan naw ang el a lo ni tah.

1 KORINTH 15:2

ka thu hril cheu kha in awi mei mei a ni nawh a, in pawm tlat a ni chun, chutaka bawk chun sandam mêkin in um a nih.

1 KORINTH 16:22

Tûkhawmin Lalpa a hmangai naw chun ṭawngsephurin um raw se. Ei Lalpa chu a hung ie.

GALATI 5:13

Nangni, unauhai, suok ni lo dinga ko in ni sih a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil loa hre zingin.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

TITA 1:16

“Pathien kan hriet,” tiin an ṭhang hlak a; nisienlakhawm, tirdak- um dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak sih a.

TITA 3:8

“Pathien ring tahai chun thil ṭha thaw pei dingin ngaituo raw se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mi- hriemhai ta dingin a ṭhain a ṭhahnem a nih.

HEBRAIHAI 11:17

Ringnain Abraham chu fiea a um khan Isak ân hlân a; anih, thutiemhai lâwmtaka changtu chun, a naupa khât nei sun chu ân hlân a,

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

JAKOB 1:16

Ka unau dittakhai, hlêmin um naw ro.

JAKOB 2:16

chun, nangni laia tûin amanih an kuomah, “Thlamuongtakin fe unla, lumtak le khawptakin um ro,” ti unla, taksa ta dinga thil ṭûl chu in pêk si naw chun ieng am ṭhahnem a ta?

JAKOB 2:18

Anih, mi tûin amanih, “Nangin ringna i nei a, keiin thilthaw ka nei a nih; i ringna chu thilthaw ṭhang loin mîn entir rawh, chun, keiin ka thilthawin ka ringna inentir ka ti che.

JAKOB 2:26

Thlarau ṭhang naw chun taksa chu thi a nih, chuong ang bawkin thilthaw ṭhang naw chun ringna khawm chu a thi a nih.

2 PETER 1:5

Anih, chu chu lei tak chun taimâk hrim hrim insuoin, in ringnaa chun ṭhatna inṭhangtir unla, in ṭhatnaa chun hrietna,