JAKOB 1:27 - Pathien Lekhabu Inthieng (BSI)

²⁷ Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.

JAKOB 1:27 ပူးပေါင်းရင်းမြစ်များ

INPÂKNA HLABU 119:1

Kawnglama mi ṭha fam- kimhai chu an hamṭha ie, LALPA dân hrawtuhai chu.

INPÂKNA HLABU 146:9

LALPA chun mikhuolhai chu a vawng ṭha hlak a, Pa neilo le hmeithai chu a chel zing hlak a; Mi rilohai lampui ruok chu a sukletling hlak.

INPÂKNA HLABU 68:5

Pathien a umna inthienga um chu, Pa nei lohai pa le hmeithaihai ngaituotu a nih.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.

MATTHAI 12:32

Chun, tukhawm Mihriem Nau- pa sawisêl taphawt chu a sawisêlna chu ngaidam nîng a ta; tukhawm Thlarau Inthieng meu sawisêl taphawt chu a sawisêlna chu, hi dam sûnga khawm, hun la hung tlung dinga khawm chun, ngaidam ni naw nih.

MATTHAI 5:8

“Lungrila inthienghai chu an hamṭha; Pathien an la hmu ding a ni sih a.

LUKA 1:6

An pahni chun Pathien mit- hmuah feltakin an um a, sawisêlboin Lalpa thupêk le a dân po po zâwmin an um hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:13

Dân hretu ringawthai chu Pathien mithmuin mi fel an ni nawh a, Dân anga thawtuhai chu mi fela tiemin um lem an tih.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pe tah a;

GALATI 3:11

Chun, Pathien mithmuin tû- khawm Dân leiin thiem chang an um nawh ti ân lang zing a nih, “Ringna leia mifel chu hring a tih,” ti a ni sih a,

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

GALATI 6:14

Kei ruok chun ei Lalpa Isu Krista kraws naw chu ka suong naw ding zie chu, chu zâra chun khawvêl hi ka ta dinga hemdein a um tah, kei khawm khawvêl ta dinga hemdein ka um a nih.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

DÂN PAHNINA 14:29

chun, in umnaa um Levi mihai khawm chu nangni laia chanvo, rochan khawm nei ve nawhai le ram dang mihai le pa nei nawhai le hmeithaihai chun fâng an ta, lo khawsa ve thei el an tih; chuongchun, LALPA in Pathienin in kutsuok po poa chun mal a sâwm ding cheu a nih.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 TIMOTHE 5:4

Nisienlakhawm, hmeithai tû- khawmin nauhai amanih, tuhai amanih nei sienla, chuonghai chun anni insûng tienga Pathien ngaisaka um dân le, anni keitleituhai chunga ṭhatzie inchûk zet raw hai se; chu chu Pathien lâwm zâwng a ni sih a.

TITA 2:12

Pathien ngaisak nawna le, khawvêl châknahai bânsanin, tulai khawvêla hin insûm le feltak le Pathien ngaisakin ei um ding a nih ti mîn chûktirin,

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei nawh a, a vervêk naw a nih.

JAKOB 3:9

Chu chun Lalpa le Pa ei inpâk hlak a, chu bawk chun Pathien anga siem mihriemhai chu ṭawngsie ei inphur bawk hlak a nih.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

2 PETER 2:20

Lalpa le Sandamtu Isu Krista an hriet leia khawvêl inthieng nawnahai an tlân suok san hnungin chutaka bawk chun an intâng nâwk a, ngama an um nâwk si chun, an umze nuhnung chu a tîra nêk chun a hung se ta lem nîng a tih.

2 PETER 3:14

Chuleiin, dittakhai, chuong ang thilhai chu in beisei leiin, in- thiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

1 JOHAN 5:18

Tûkhawm Pathien inei chun thil a suk suol nawh ti ei hriet; Pathien inei khan ama chu a hum zing a. Mi suol chun tâwk khawm a tâwk thei naw hrim a nih.