JAKOB 1:15 - Pathien Lekhabu Inthieng (BSI)

¹⁵ Chun, châkna chun tê a vawn a, suol a nei hlak; chun, suol chun a hung puitlingin thina a hung suksuok hlak.

JAKOB 1:15 ပူးပေါင်းရင်းမြစ်များ

INṬANNA 2:17

a suol le a ṭha hrietna thing ra ruok hi chu i fâk ding a ni nawh; i fâk chun i fâk ni ngeiin i thi ngei ding a nih,” tiin thu a pêk a.

INṬANNA 3:6

Chuongchun, nuhmei chun thing ra chu fâk mi a nih ti le, mitlatak a nih ti le, mi sukvar dingin thing ra inhnarumtak a nih ti a hriet chun a ra ṭhenkhat chu a lo a, a fâk tah a; chun a pasal kuoma chun a pêk a, ama khawm chun a fâk tah a.

2 SAMUEL 11:4

Chun, David chun mi a tir a, an va ṭhuoi tah a; chun, a kuoma a va tlung chun a lo zâlpui tah a; (a felnaw zo insukthieng laitak a na) chun, a in tieng a fe nâwk tah a.

JOB LEKHABU (THE BOOK OF JOB) 15:35

Pawitâwkna chu an vawn a, khawhlona chu an nei hlak a, An phîng chun hlêmna a buotsai hlak,” tiin.

INPÂKNA HLABU 7:14

En ta, suolna hasein a um a, Anih, thil suksuolna a vawn a, khêlthu a nei tah a.

INPÂKNA HLABU 9:17

Mi rilohai chu Seola chun kîr nâwk an ta, Hnam tin Pathien theinghil hmang hlakhai chu.

THUVARHAI 11:19

Felnaa ngîr det tlattu chun hringna chu hmûng a ta, Suolna hnawttu chun a thina ding ngeiin a thaw a nih.

ISAI 33:11

Hlo ṭâwl vawn in ta, bupâwl nei in tih; in thuok chu nangni kâng hmang ding mei a nih.

ISAI 59:4

Tukhawma thubuoi indiktakin an hril nawh a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

MATTHAI 26:14

Chu hnunga chun sâwm le pahni laia mi pakhat, Juda Iskariot an ti chu, thiempu lalhai kuomah a fe a,

MATTHAI 5:28

Kei ruok chun, tukhawm nu- hmei dit ena en taphawt chun, a lungrilah a uire zing a nih ti ka hril cheu hi.

JAKOB 1:14

Mi tin mâni châknaa ṭhuoi hmang le hîpa an um chun, thlêmna an tuok lem a nih.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.