ISAI 9:3 - Pathien Lekhabu Inthieng (BSI)

³ Hnam chu i suktam tah a, an hlimna khawm i sukpung tah a; bu sîk laia hlim angin i hmaah an hlim tah a, miin râllâk sum an sema an hlim ang elin.

ISAI 9:3 ပူးပေါင်းရင်းမြစ်များ

NEHEMIA 9:23

An thlahai chu vâna arasi zâtin i sukpung bawk a; an hluo dinga an pi le puhai kuoma i lo hril tah rama chun i ṭhuoi lût tah a.

JOB LEKHABU (THE BOOK OF JOB) 12:23

Hnamhai chu a hung sukpung a, anni a sukbohmang tah a; Hnamhai chu a hung suklien a, anni a ṭhuoi hmang hlak a.

INPÂKNA HLABU 107:38

Anni chu mal a sâwm hlak a, nasataka sukpungin an um a, An ranhai chu a kiem a phal ngai nawh a,

INPÂKNA HLABU 119:162

I thua hin ka hlim a nih, Thil ropuitak râllâka hmutu angin.

INPÂKNA HLABU 4:7

Ka lungrila chun lâwmna i sie tah a, An bu le an uoin hung hlâwk chânga lâwmna an nei nêka nasa lem chu.

ISAI 10:26

Oreb lungpuia Midian mihai an that lai ang khan, sipaihai LALPA chun ama thaw dingin vuokna chu chawktho a ta, a hmawl chu tuisuo- riet chungtieng um a ta; Aigupta rama ân let ang khan inlet a tih.

ISAI 12:1

Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 14:5

LALPA chun mi rilo hmawl chu a suktliek tah; rorêltuhai lal hmawl chu;

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 26:15

Hi hnam hi i sukpung tah a, aw LALPA, hi hnam hi i sukpung tah; nang chu chawimawiin i um tah a, hi ram hi a ramri po po chu i suklien tah.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 35:2

Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; LALPA ropuina hmûng an ta, ei Pathien mawina leh.

ISAI 54:1

“Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nau- hai an tam lem sih a,” LALPAIN a tih.

ISAI 55:12

Hlimtaka suokin, lungmuong- taka ṭhuoi suokin in um ding a ni sih a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chu- leiin, an rama chun a let hni hluong an ta, kumkhaw hlimna an kuomah um a tih.

ISAI 65:14

ngai ta u, ka siehlawhai chu lungrila an lâwm leiin hlimtakin hla sak an ta, nangni ruok chu lungrila in lungngai leiin ṭap in tih, thla- raua in lungngai leiin khêk rak rak in tih.

ISAI 65:18

Nisienlakhawm, ka thil siema chun kumkhuoin lâwmin hlim ro; ngai ta u, Jerusalem chu hlimnaah ka siem a, a mihai chu lâwmnaah ka siem a ni hi.

ISAI 66:10

“Jerusalem hmangaitu po po- hai, Jerusalem chu hlimpui unla, lâwmpui ro; ama sûntu po pohai, lâwm leiin hlimpui ro;

JEREMIA 31:7

LALPA chun hieng hin a ti sih a; Jakob ta ding chun lâwmin hla sak unla, hnamhai lua um ta ding chun khêk bawk ro, phuong dar unla, inpâk unla, “Aw LALPA, Israel hla bîkhai, i mihai hi sandam rawh,” ti ro.

HOSEA 4:7

An pung dep leh ka chungah an suol tul tul a, An ropuina chu muolphonaah inchangtir ka tih,

LEVI DÂN 26:13

Kei hi LALPA in Pathien, an suokhai in ni nawna dinga Aigupta rama inthawka ṭhuoi suoktu cheu chu ka nih; an rîngkawlhai chu ka suktliek a, ngirinzangin kân lâwntir ta cheu hi.

ZEKARIA 10:8

An ta dingin faifûk ka ta, anni ko khâwm ka tih; anni chu kân tlan ta sih a; a lo pung ta ang bawk khan hung insukpung an tih.

ZEKARIA 2:11

Chun, chu nia chun hnam tamtakhai chu LALPA tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai LALPA chun i kuomah a mi hung tir a nih ti hre tâng i tih.

ZEKARIA 8:23

Sipaihai LALPA chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet sih a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

LUKA 11:22

nisienlakhawm, ama nêka hrât lemin a hung thawh a, a hne pha chun, ân ringna râlthuom famkim chu a lâkpêk a, a râllâk thil chu a sem dar hlak.

THILTHAWHAI 8:8

Chun, chu khuoa chun nasatakin an lâwm tah a.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In zaidawtheizie mi po po hriet ni raw se.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

RORELTUHAI 5:3

Aw, nangni lalhai, lo ngai ta u, Aw, nangni rorêltuhai, na lo sit ta u, Keima ngeiin LALPA chawimawiin hla sak ka ta, LALPA Israelhai Pathien inpâkin hla sak ka tih.

RORELTUHAI 7:22

Chun, tawtawrâwt za thum chu an mût a, chun, LALPA chun sipaihai po po chu anni le anni kâwlhnâmin ân dotir tâwl tah a; chuongchun, sipai- hai chu Zerera tieng panga Betshit- tah chen, Tabbath kâwla Abel-meho- lah ramri chen an tlânsieh a.

RORELTUHAI 8:12

Chun, Zeba le Zalmunna chu an tlânse tah a; chuongchun, a hnawt a, Midian lal pahni Zeba le Zalmunna chu a man a, sipaihai po po chu a chawkbuoi tah a.

1 SAMUEL 30:16

Chun, a zuk ṭhuoi thlâk chun, ngai ta, Philistin ram le Judai rama râllâk tamtak an lâk leiin ruoi an ṭheh a, an fâkin an dâwn a, an lo um dar nei nuoi a.