ISAI 9:18 - Pathien Lekhabu Inthieng (BSI)

¹⁸ Rîtlona chu mei angin a chawk dur dur hlak sih a, buor le hlohling- neihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

ISAI 9:18 ပူးပေါင်းရင်းမြစ်များ

1 LALHAI 16:21

Chuongchun, Israel mipuihai chu pâwl hniah an hung inṭhe tah a, mipui zâtve chun Ginath naupa Tibni chu lala siem tumin an zui a; chun, a zâtvein Omri chu an zui bawk a.

INPÂKNA HLABU 37:20

Mi rilohai ruok chu bohmang an ta, LALPA dotuhai khawm phûl hlohna inno ang nîng an ta, Sukbohmangin um an ta, meikhuah inzâm hmang an tih.

INPÂKNA HLABU 68:2

Meikhu hi lên hmanga a um ang hin, anni chu lên hmang la; Khuoihlu hi mei luma ân tuihmang angin, Mi rilohai chu Pathien hmaah bohmang raw se.

INPÂKNA HLABU 83:14

Ram kângtu mei ang le, Tlâng kângtu meichawk ang elin;

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 26:11

“LALPA, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭha- hnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 27:4

Keimaa hin lunginsenna a um nawh ie; buor le hlohlingneihai chun mi doin mi hung thaw hrim hai sien aw! anni chu thaw dingin fêng ka ta, hmun khatah ka raw hlut hlut ding bah.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ISAI 30:30

Chun, LALPA chun a râwl ro- puitak chu inhriettir tâng a ta, a lunginsenna nasatak le thil kâng- hmang meichawkin, thlipui le ruopui le rielin, a kut thlâk dân chu inentir tâng a tih.

ISAI 30:33

Topheth pakhat chu inhma daia lo buotsai tah a ni sih a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; LALPA thuok, kât vadung luong ang chun a sukkâng dur dur a.

ISAI 33:12

Mi tinrênghai chu chinai lung raw ang, hlohlingnei vât hnung meia an pei ang chu nîng an tih,” a ta.

ISAI 33:14

Ziona mi suol umhai chun an ṭih a; Pathien inza naw mihai chu inthin- nain a man tah a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawn- na angin um a ta, an pâr chu pilvut angin intung lui lui a tih; sipaihai LALPA dân chu an dit nawh a, Israel- hai Mi Inthieng thu chu an ngainêp leiin.

ISAI 50:11

Mei sêm a, thingthu tivar hlak po pohai, ngai ta u, in mei vara le in thingthu tihai lai chun lêng ro. Hi hi ka kuta inthawka in la hmu ding chu a nih, lungngaitaka in la zâlna ding chu.

JEREMIA 9:3

Thudik nawa dingin an thalngul ang elin an lei chu an thlep a; chu rama chun thahrâttakin an hung inṭhang a, thudika ruok chun ni loin; thil suola inthawkin thil suola vêk chun an pakai a, kei khawm an mi hriet hlawl nawh, LALPA chun a tih.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

JOEL 2:20

amiruokchu, in kuoma in- thawkin hmârtieng sipai ruol chu sawnhmang dai ka ta, ram ṭâwl le râusannaah infetir ka tih, a hmasa pâwl saktieng tuisuorietah, a nu- hnung pâwl thlangtieng tuisuorietah; hung ṭhuoi suok a ta, rimsetakin hung innam a tih, thil nasatak a thaw ta leiin.

JOEL 2:3

An hmatieng chu meiin a kâng fai a, an hnungtieng meichawkin a hlieu bawk a; an hmaa ram chu Eden huon ang a nih; an hnungtieng chu thlalêr ram ṭâwl a nih, ieng- khawmin chuong chu an pumpel ta nawh.

AMOS 7:4

Hieng ang hin Lalpa PATHIEN chun a mîn entir a; chun, en ta u, Lalpa PATHIEN chun meia do dingin a ko a; mei chun tui inthûk lien chu a kâng vawng a; ram khawm chu a kâng zo mêk bawk a.

OBADIA 1:18

Jakob sûnghai chu mei nîng an ta, Josef sûnghai chu meichawk nîng an tih. Esau sûnghai chu bupâwl ding nîng an ta, anni lai chun chawk an ta, kâng hmang vawng an tih; Esau sûng- hai chu a mahla hrim um naw ni hai; LALPA chun a ti ta sih a.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

NAHUM 1:6

A lungninawna hmaa chun tu am ngîr thei an ta, a lunginsenna nasa- taka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.

HEBRAIHAI 6:8

Amiruokchu, hlohlingnei le buor- hai ân suo chun mâkin a hung um a, ṭawngsephur hielin a um hlak a, a tâwpa chun raw a tuok hlak.

THUPUONGSUO 14:11

Chun, chuong mihai sawisakna meikhu chu chatuonin hang fêng a ta; Sahrâng le a lim chibai bûktuhai, a hming inchikna nei taphawthai khawm chun, a sûn a zânin châwl hrim nei naw ni hai,” tiin anni chu a hung zui a.