ISAI 9:11 - Pathien Lekhabu Inthieng (BSI)

¹¹ Chuleiin, LALPA chun Rezin dotuhai chu ama do dingin chawisâng a ta, a hmêlmahai chu chawktho a tih.

ISAI 9:11 ပူးပေါင်းရင်းမြစ်များ

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 16:9

Chun, Assuria lal chun a thuhril chu a lo zâwm a; chuongchun, Assuria lal chun Damaska khuo chu a hang thawh a, a lâk a, a mihai chu Kir ramah salah a ṭhuoi a, Rezin chu a that a.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

ISAI 28:1

Ephraimhai zu inruihmanghai chapona lallukhum chung le, an mawina ropui pâr ṭuoi mêk, uoin inchie hnea umhai ruom ṭhatakin a khum chung chu a rik ie!

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

ISAI 7:1

Uzzia nau Jotham naupa Ahaz inlal lai chun, Suria lal Rezin le Israel lal Remalia naupa Peka chu Jerusalem rûn dingin an hang feh a; nisienlakhawm, an hne thei nawh a.

ISAI 7:8

Suria lu chu Damaska a na, Damaska lu chu Rezin ringawt hi a ni el sih a; kum sâwmruk le kum nga bo hmain Ephraim chu chi ti tlâk loa um dingin suksiet vawngin um a tih;