ISAI 8:20 - Pathien Lekhabu Inthieng (BSI)

²⁰ Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

ISAI 8:20 ပူးပေါင်းရင်းမြစ်များ

EZRA 10:3

Chuleiin, tuhin, chuong nuhmei- hai po po chu ma ding le, annia inthawka pieng taphawt chu sie hmang dingin, Lalpa le ei Pathien thupêka inthintuhai rorêl ang peiin, ei Pathien leh thuthlung siem ei tiu; chuongchun, dân ang taka thaw ni raw se.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiem- tir hlak.

INPÂKNA HLABU 78:5

Jakobhai laiah thuinhriettir a sukdet a; Israelhai lai dân a ruot a, Chuong chu ei thlatuhai kuomah thupêkin a pêk a; Anni chun chuong thu chu an nauhai kuomah an inhriettir dingin.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

ISAI 1:10

Sodom rorêltuhai, LALPA thu hi hre unla, Gomorra mihai, ei Pathien dân thua hin na sit ro!

ISAI 8:16

Inhriettirna thu ziel hi khuop la, dân thu hi ka inchûktirhai lai namin inchik rawh.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 6:16

LALPA chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

JEREMIA 8:9

Mi varhai chu an inzak a, sukbei- dawngin an um a, ṭhuoi hmangin an um a; en ta u, LALPA thu chu an dit naw chu: annia chun ieng ang varna hrim am a um a na?

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

MIKA 3:6

Chuleiin, inlârna in nei naw hielna dingin in kuomah zân hung tlung a ta, ai in sân thei nawna khawpin in kuomah inthimna hung tlung a tih; zâwlneihai ta ding chun nisa liem a ta, sûn khawm an chunga chun khaw inthim nîng a tih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 22:29

Isûn a dawn a, an kuomah, “Pathien Lekha thu le, Pathien thil- thawtheina in hriet naw leiin in ngai suol hlak a nih.

MATTHAI 6:23

I mit a se ruok chun i taksa a rêngin inthim vawng a tih. Chuong- chun, i sûnga var chu inthim ni sien chu, inthim chu a va nasa awm ngei de!

MARKA 10:3

Ama chun an kuomah, “Mosien iengtin am thu a pêk cheu a?” tîn a dawn a.

LUKA 10:26

Chun, ama chun a kuomah, “Dân lekhabuah ieng am ziek a na? chutaka chun ieng am i tiem hlak a?” a ta.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni sih a.

THILTHAWHAI 17:11

Chutaka mihai chu Thes- salonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:22

Vara inngaiin invêt an lo ni tah a,

2 PETER 1:19

Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.

2 PETER 1:9

Tûkhawm chuong thil nei naw chu mitdel a na, hnaitaka mi chau a hmu thei a, hi hmaa a suolhai sâwpfai pêkna chu a theinghil ta sih a.