ISAI 8:13 - Pathien Lekhabu Inthieng (BSI)

¹³ Sipaihai Lalpa, ama ngei chu in sukthieng ding a nih, ama chu in iṭi chu ni sienla, ama chu in iṭi chu ni raw se.

ISAI 8:13 ပူးပေါင်းရင်းမြစ်များ

INṬANNA 31:53

Abraham Pathien, Nahor Pathien, an pa Pathien chun ei kâra thu ngaituo raw se,” a ti nâwk a. Chun Jakob chun a pa Isak Iṭi chu sâlin ṭawng ân khâm tah a:

INPÂKNA HLABU 76:7

Nang, nangma ngei chu ṭi ding i nih, I lunginsen taphawt chun tu am i mithmuah ngîr thei an ta?

FESUOKNA 20:20

Mosie chun mipui kuomah, “Ṭi naw ro. Pathien ṭiumna chu in hmuha in suol nawna dingin nangni infiena ding cheuin ama chu a hung a ni sih a,” a tih a.

ISAI 29:23

An nau, ka kutsuokhai chu, anni laia an hmu chun, ka hming chu sukthieng lem tâng an tih; anih, Jakobhai Mi Inthieng chu sukthieng an ta, Israelhai Pathien chu ṭi tâng an tih.

ISAI 5:16

sipaihai LALPA ruok chu rorêl- naa chawisângin a um ta lem a, Pathien, Mi Inthieng chu felnaa suk- thiengin a um tah a.

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nang- maa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

LEVI DÂN 10:3

Chuongchun, Mosie chun Aron kuomah, “Hi hi a nih LALPAIN, ‘A mi hnaituhaia chun inthiengin inlang ka ta, mipui po po hmaa chun chawi- mawiin um ka tih,’ tiha a hril kha,” a tih a. Aron chu a to zing a.

LEVI DÂN 22:32

Chun, ka hming inthieng hi in suksiet ding a ni nawh a, Israel thlahai laia chun chawimawiin ka um ding a nih;

MALAKI 2:5

Ka thuthlung chu ama ta ding chun hringna le muongna a na; a ṭi theina ding le, ka hming a ṭina ding le, ka hming ṭiha a ngîr theina dingin a kuoma chun ka pêk a nih.

NAMBAR 27:14

Zin thlalêra pungkhâwmhai an chier laia an mithmuah tuia khan mi chawimawi dinga ka thupêk che kala i hel lei khan,” a ta. (Chuong chu Zin thlalêra Kadesa Meriba tuiahai chun a nih).

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

LUKA 12:5

Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:20

Nisienlakhawm, ringna tlasam- in Pathien thutiem chu a ringhla chuong nawh a, Pathien a châwimawi a;

DÂN PAHNINA 14:23

LALPA in Pathien ṭi nachâng in hung hriet rawp theina dingin in bu le, in uoin le in hrieka sawmapakhat le, in bâwng ruol le in berâm ruol laia pieng hmasa takhai chu LALPA in Pathien hmaah, a hming umna dinga a la ruotna dinga chun in fâk ding a nih.

THUPUONGSUO 15:4

Aw Lalpa, tu am i hming inza nawh a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.

1 SAMUEL 11:7

Chuongchun, bâwng tuok khat a that a, a sa chu a chan nawi vawng a, Israel ram po poa chun ân semtir a; “Tukhawm Saula le Samuel hung zui nuom naw taphawt chu an sebâwng chu hieng anga thaw ve hi nîng a tih,” tiin. Chuongchun, mipuihai chun LALPA chu an ṭi tah a, an hung inthawk suok tah a.