ISAI 8:10 - Pathien Lekhabu Inthieng (BSI)

¹⁰ Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um sih a,” tiin.

ISAI 8:10 ပူးပေါင်းရင်းမြစ်များ

INṬANNA 21:22

Chuong lai chun Abimelek le a sipai pâwl hotu Phikol chun Abraham kuomah, “I thilthaw taphawtah Pathien i kuomah a um pei hlak a:

2 SAMUEL 15:31

Chun, tuin amanih David chu, “Ahithophel chu Absalom tienga ṭhangin thu phiertuhai lai a ṭhang ve,” tiin a hril a. Chun, David chun, “Aw LALPA, Ahithophel remruot chu invêtnaa inchangtir dingin ka ngên che,” a ta.

2 SAMUEL 17:23

Chun, Ahithophel chun a rem- ruot ang chu an pawm nawh ti a hrietin a sabengtung chu a siem a, a suok a, a khuo tieng a fe tah a, a sûnghai khawsak dân ding a ruotpêk diem a, ân âwkhlum tah a; chuong- chun, a thih a, a pa thlânah an phûm tah a.

2 SAMUEL 17:4

Chuongchun, chu thu chun Absalom le Israel upahai po po chu a suklâwm ta hleh a.

2 LALHAI 6:12

Chun, upahai laia mi pakhat chun, “Tukhawm kan ṭhang nawh ie, pu, aw laltak, Israel rama um zâwlnei Elisa hin i pindan sûngrila i hrilhai hi Israel lal a hril pei a ni lem a nih,” a ta.

2 CHANCHIN SUINA 13:12

Chun, en ta u, Pathien chu kan hma tieng keini lai a um a; in chunga inlâuna sukri dingin suklauna taw- tawrâwthai le thiempuhai chu an um bawk a; Aw Israel thlahai, in thla- tuhai Pathien LALPA chu do naw ro khai; in hlawtling naw ding a ni sih a,” tiin.

JOB LEKHABU (THE BOOK OF JOB) 5:12

Themthiem remruotnahai chu a sukthlâwn a, Chuongchun, an kuthai chun an nuom zâwng chu a puitlin thei nawh.

INPÂKNA HLABU 21:12

Nangin anni chu în hnung- sawntir ding a ni sih a, I thalhruihai chu an hmai tinin kuoisa diem i tih,

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

INPÂKNA HLABU 46:11

Sipaihai LALPA chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai LALPA chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:8

Hung unla, LALPA thilthawhai hi en ta u, Leihnuoia thil a suksietziehai hi.

THUVARHAI 21:30

LALPA kal zâwnga thurâwn amanih, Hrietthiemna amanih, varna amani khawm a um nawh.

ISAI 14:27

Sipaihai LALPA chun a ruot ta sih a, tuin am lâkpêk a ta? A kut chu pharin a um tah a, tuin am inlâk- kîrtir a ti leh?” tiin.

ISAI 28:18

Chun, thina kuoma in thu- thlung chu sûtin um a ta, Seol le in thutiem khawm chu ngir suok naw ni, vuokna tui lien liem chu a luong tlang pha chun, chu pha chun sirdein um in tih.

ISAI 41:10

ṭi naw ro, kei in kuomah ka um sih a; lunginzîng naw ro, kei in Pathien ka ni sih a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 43:5

Ṭi naw ro, in kuomah ka um sih a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 7:14

Chuleiin, LALPA ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Im- manuel sak a tih.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

JEREMIA 42:11

In iṭitak Babulon lal chu ṭi naw unla, ama chu ṭi naw ro, LALPA chun a tih: a kuta inthawka sanhima san- dam ding cheuin kei in kuomah ka um zing sih a.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

ṬAP HLA 3:37

LALPAIN thu a pêk naw laia, a hril a, hung tlung el hlak chu tu am a na?

JOEL 3:9

“Hi hi hnamhai lai chun hril dar unla, indona buotsai unla, mi hrât- takhai chawktho unla, indo mi po pohai hung hnai hai sienla, hung raw hai se.

HAGGAI 1:13

Chun, LALPA mitir Haggai chun LALPA thucha chu mipuihai kuoma chun, “In kuomah ka um, LALPA chun a tih,” tiin a hril a.

NAMBAR 14:9

LALPA chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; LALPA chu ei kuomah a um annâwm; anni chu ṭi naw ro,” tiin an hril a.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:13

Tisa dâna in um chun in thi ngei ding a nih; amiruokchu, taksa thil- thawhai chu Thlaraua in sukhlum hlak chun hring in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

DÂN PAHNINA 20:1

“In hmêlmahai do dinga in suoka sakawrhai le tawlailîr- hai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu LALPA in Pathien chu in kuomah a um sih a.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâw- samtir naw ning cheh a, mâk khawm mâksan naw tawp ka ti che.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.