ISAI 66:4 - Pathien Lekhabu Inthieng (BSI)

⁴ Ka ko lai khan tukhawma an mi dawn nawh a, thu ka hril lai khan nain an hriet nawh a, ka mithmua thil suol chu an thaw lem a, ka thil lâwm naw zâwng chu an thlang leiin kei khawmin anni hlêmna ding chu thlangpêk ka ta, an ṭi zâwnghai chu an chungah intlungtir ka tih,” tiin.

ISAI 66:4 ပူးပေါင်းရင်းမြစ်များ

2 LALHAI 21:2

Chun, LALPAIN Israel thlahai hmaa a hnawtsuok tah, hnamhaiin thil tirdakumtak an thaw hlak ang, LALPA mithmuah thil ṭha nawtakhai chu a thaw hlak a.

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; LALPA mithmuah thil ṭha naw- tak ama suklungsen dingin a thaw hlak a.

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

THUVARHAI 1:24

Ka ko cheu a, in ngaisak nawh a, Ka bân ka pharsuok a, tu- khawma in ngaisak nawh a,

THUVARHAI 10:24

Mi khawhlo ṭitna chu ama chung ngeiah hung tlung a ta, Mi fel ditna chu inhlawtlingtir nîng a tih.

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 59:15

Anih, thutak a um ta nawh a; thil ṭha naw bânsantu chu râllâkah ân siem hlak; LALPAIN chu chu a hmuh a, indikna hrim hrim um ta naw chun a suklungni ta nawh a.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituo- hai chu khawhlona ngaituonahai a ni hlak a; râusanna le sietna chu an lampuia chun a um hlak.

ISAI 65:12

ka ko lai cheu khan in mi dawn nuom nawh a, thu ka hril lai khan nain in hriet nuom nawh a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

ISAI 65:3

huonahai inthâwia, ṭêklei chung- ahai thil rim inhnik rawha, ka hmaisan ngeia mi suklungsen hlak- tuhai,

ISAI 65:7

nangni khawhlona le in puhai khawhlona chu, LALPAIN a tih, chuonghai chun tlâng lien chungahai thil rim inhnik an rawh a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

JEREMIA 35:17

chuleiin, LALPA, Sipaihai Pathien, Israel Pathien chun hieng hin a tih: Ngai ta u, Juda ram chunga le Jerusalem hluotuhai po po chunga chun, an chunga thil ṭha naw tlung ding ka hril ta kha ka hung intlungtir ding a nih; an kuomah thu ka hril a, an ngai naw leiin, anni chu ka ko a, an mi dawn naw leiin,” tiin.

JEREMIA 7:13

Chun, tuhin LALPA chun, ‘Hieng thilthawhai po po hi in thaw ta leiin, inhmataka thoa thu hrilin, in kuoma ngei chun thu ka lo hril tah a; nisienlakhawm, in ngai si nawh a; ka ko cheu a, in mi dawn nawh a;

JEREMIA 7:30

Juda thlahai chun ka mithmua thil ṭha naw chu an lo thaw ta sih a, LALPA chun a tih: sukpawrche ding- in, in ka hming chawia koa chun an tirdakumnahai chu an sie tah a.

EZEKIEL 11:8

Kâwlhnâm chu in ṭih a; in chung- ah kâwlhnâm chu hung intlungtir ka tih, Lalpa PATHIEN chun a tih.

EZEKIEL 14:4

Chuleiin, an kuoma chun thu hril la, an kuomah, ‘Lalpa PATHIEN chun hieng hin a ti a nih, Israel sûngkuo laia mi tukhawm a milimhai chu a lungril sûnga la tlat a, a hmaihmaa a suolna tlûkna lung sietu zâwlnei kuoma hung si chu, keima LALPA ngeiin a milimhai tamzie ang peiin dawn ka tih;

EZEKIEL 20:25

Chu nawa khawm chun thuruot a ṭha ni lo, rorêlnahai an hringna ding ni lohai khawm chu ka pêk bawk a;

MATTHAI 24:24

Krista tehlêm le zâwlnei te- hlêmhai an hung suok ding a ni sih a; thei hai sien la chu, thlanghai rau khawm an hlêm theina dingin inchik- na le thilmak ropuitakhai thâwng an tih.

1 SAMUEL 8:19

Nisienlakhawm, mipuihai chun Samuel rawl chu an ngai nuom nawh a, “Ni lo e, lal kan nei ding a nih,