ISAI 66:20 - Pathien Lekhabu Inthieng (BSI)

²⁰ Israel thlahaiin an thilinhlân chu bûrlebêl inthiengtaka LALPA ina an hung lâklût hlak ang hin, LALPA kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; LALPAIN a tih.

ISAI 66:20 ပူးပေါင်းရင်းမြစ်များ

ISAI 11:9

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

ISAI 2:2

Ni nuhnungahai chun LALPA in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ISAI 2:3

Chun, chi tamtakhai chu fêng an ta, “Hung unla, LALPA tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni sih a. LALPA thu chu Jerusalema inthawkin a hung suok ding a nih.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; LALPA bûr le bêl chawituhai, inthiengtakin um ro.

ISAI 54:3

Changtieng le vawitienga khawm în dar lien ding a ni sih a; chuong- chun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 56:5

an kuomah ka in sûnga le ka kul sûnghaia chun naupasalhai le naunu- hmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka mâichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni sih a,” tiin.

ISAI 65:11

Nisienlakhawm, nangni LALPA mâksana, ka tlâng inthieng thei- nghila, Vângneina Siemtu ta dinga dawkân buotsaia, Chantâwka Khaw- rêltunu dinga uoin chawkpawl sa suksip hlaktuhai;

ISAI 65:25

Satene le berâmte chu tla hmunkhat tâng an ta, sakeibaknei chun bâwngchal angin bupâwl fa tâng a tih; pilvut chu rûl bu ni bawk a tih. Ka tlâng inthienga hrim hrim chun sukna ta naw ni hai a, sukse ta bawk naw ni hai, LALPAIN a tih.

DANIEL 11:45

Chun, a lal chêngna puon in chu tlâng inthienga tuisuoriet inkâra chun kei a ta; nisienlakhawm, a tâwpna tlung tho a tih, tukhawma ama chu an ṭhangpui si nawh a.

ZEPHANIA 3:10

Ethiopia vadunghai khêla in- thawk chun ka riminhnik rawtuhai, ka hnawtdarhai naunuhmeihai ngei chun, ka thil inhlânhai chu hung chawi an ta.

NAMBAR 7:3

An thilinhlânhai chu tawlailîr chung nei paruk le, bâwngchal sâwm- pahni, ṭhuoitu pahniin tawlailîr pakhat pei, pakhatin bâwngchal pakhat pei LALPA hmaa chun an hung lâk a, biekbûk bula chun an hung inhlân a.

NAMBAR 7:62

shekel sâwm tluka rik rimin- hnika sip rângkachak haihaw pakhat;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:16

Jentailhai inhlânna chu, Thla- rau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.

PHILIPPI 2:17

Anih, in ringna inthâwina le rawngbâwlna chunga chun bun- thlâka um ding ni lang khawm ka lâwm a nih, in rêngin ka lâwmpui bawk cheu a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.