ISAI 66:18 - Pathien Lekhabu Inthieng (BSI)

¹⁸ An thilthawhai le an ngaituohai chu ka hriet sih a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

ISAI 66:18 ပူးပေါင်းရင်းမြစ်များ

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni nawh a.

INPÂKNA HLABU 139:2

Nangin ka ṭhung le ka ngîr hi i hriet hlak a, Ka ngaituona hi hlataka inthawk khawmin i hriet thiem hlak.

INPÂKNA HLABU 67:2

I lampui chu hnuoi chunga mi hriet a ni thei a; I sandamna chu hnam tinrêng laia hriet a ni theina dingin.

INPÂKNA HLABU 72:11

Anih, lal po po chu a hmaah bawkkhup an ta, Hnam tinrêngin a rawng bâwl an tih.

INPÂKNA HLABU 72:17

A hming chu kumkhawtluongin dei naw nih a. A hming chu ama a um sûng chu dei loin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

INPÂKNA HLABU 82:8

Aw Pathien, tho la, hnuoi chung ro hi rêl rawh, Hnam tinrêng hi i la lâkkhâwm ding a ni sih a.

INPÂKNA HLABU 86:9

Aw LALPA, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

INPÂKNA HLABU 94:11

LALPA chun mihriem ngaituohai chu, Teplo mei mei a nih ti a hriet a.

INPÂKNA HLABU 97:6

Vânhai khin a felna chu a tlânginsampui hlak a, Mi tinrêng chun a ropuizie an hmu tah a.

ISAI 11:9

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

ISAI 2:2

Ni nuhnungahai chun LALPA in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ISAI 37:28

“Kei ruok chun chu i ṭhung dâm, i suok dâm, i lût dâm, ka chunga i lunginsenziehai hi ka hriet i sawn- naw.

ISAI 40:5

chun, LALPA ropuina chu suk- lang nîng a ta, mi po poin chu chu hmu seng an tih; LALPA bau chun a hril ta sih a,” a ta.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni sih a, a dang hrim hrim an um nawh.

ISAI 52:10

LALPA chun hnam tinrênghai mithmua chun a bân inthieng chu a hlîm tah; chuongchun, kâwlkaw- dawnga mi po poin ei Pathien san- damna chu hmûng an tih.

ISAI 55:8

Ka ngaituohai hi i ngaituohai a ni si nawh a, i um dânhai chu ka um dân a ni bawk nawh, LALPAIN a tih.

ISAI 56:8

LALPA Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

ISAI 57:12

I felna thu hi hril ka ta, i thil- thawhai chu i ta dingin ienga ṭha- hnem ni naw nih.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituo- hai chu khawhlona ngaituonahai a ni hlak a; râusanna le sietna chu an lampuia chun a um hlak.

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

ISAI 66:10

“Jerusalem hmangaitu po po- hai, Jerusalem chu hlimpui unla, lâwmpui ro; ama sûntu po pohai, lâwm leiin hlimpui ro;

JEREMIA 16:17

An lampuihai po po chu ka mit chun a en zing a, ka hmaia inthawka thup an ni nawh a, ka mithmua inthawkin an suolnahai khawm chu thup a ni bawk nawh.

JEREMIA 3:17

Chu pha chun Jerusalem chu LALPA lalṭhungpha tiin inbûk an ta, hnam po pohai chu chutaka chun kei khâwm nîng an ta, LALPA hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

EZEKIEL 38:10

“Lalpa PATHIEN chun hieng hin a ti a nih: Chu ni chun chuong chu hung tlung a ta, thilhai chu i lungrila chun hung lût a ta, ngairuotna rilo ngairuot i ta,

EZEKIEL 39:21

Chun, ka ropuina chu hnamhai laia chun sieng ka ta, chuongchun, hnam po pohai chun rorêlna ka suk- tlung ta le, an chunga ka kut kân nghat chu hmûng an tih.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

AMOS 5:12

In bawsietnahai tamzie le, in suolnahai a nasatzie ka hriet sih a; mi felhai suknawmna a, thamna la a, kawtkhâra tlasamhai an chantâwk nghatsantuhai.

ZEKARIA 14:16

Chun, Jerusalem hung thawtu hnam po pohaia a la um sunhai chu kum tin tinin laltak, sipaihai LALPA chu be ding le, Bâwkte ruoiṭhe chu nei dingin hang fe rawp hlak an tih.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

MATTHAI 12:25

Chun, Isûn an ngaituohai chu a lo hriet a, an kuomah, “Khâwlai ram khawm mâni indo taphawt chu an bo hlak; khâwlai khuo khawm sûngkhat khawm, mâni indo taphawt chu ngîr suok naw ni hai.

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

LUKA 5:22

Chuongchun, Isûn an ngaituo chu a hriet a, an kuomah, “In lungrilah ieng am in ngaituoh a?

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

JOHAN 5:42

Nangni ka hriet cheu, Pathien hmangaina in lungrilah in nei nawh ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai le- khathuin hnam tin kuomah inhriettir a ni tah a, mi tinin an ringa an zâwm theina dingin.

1 KORINTH 3:20

“Lalpa chun mi varhai ngai- tuona chu a thlâwn a nih ti a hriet,” ti ziek a ni nâwk bawk a.

DÂN PAHNINA 31:21

Thil ṭha naw le lunginzîngna tamtak an chunga a hung tlung pha chun, hi hla hi ân hrietsuoktirtu nîng a tih; (an thlahai baua inthawkin theinghil thei a ni âwm si nawh a); tuta kân khâmna rama ka ṭhuoi hma hrim khawmin an insuongtuo vêl dan chu ka hrietsa zing a nih,” a tih a.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.

THUPUONGSUO 2:13

I umna Setan ṭhungpha umna kha ka hriet; chun, ka hming i kawl tlat a, ka thu hretu Antipa, Setan umnaa nangni laia an ithat, ka mi ringumtak um lai ngei khawm khan i mi ringna hi în phat san naw bawk a.

THUPUONGSUO 2:2

I thilthawzie dâm, i sininrimzie dâm, i selzie dâm, mi suolhai i ngaitheinawzie dâm ka hriet. Tirko ni si loa tirko intihai chu I fie bawk a, khêlhlip an nih ti i lo hriet tah a.

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni loa, Setan inkhâwmna inhai ni lem sih a, Juda intihai i hrilsiet zie dâm ka hriet.