ISAI 65:23 - Pathien Lekhabu Inthieng (BSI)

²³ A thlâwnin sin inrim naw ni hai a, vângduoina el dingin nau nei bawk naw ni hai a, LALPA malsâwm mi thlahai an ni sih a, an nauhai chu an kuomah um zing an tih.

ISAI 65:23 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti cheh a, mal khawm sâwm ka ti cheh a, i hming sukropui bawk ka tih: nang malsâwmna nîng i tih.

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

JOB LEKHABU (THE BOOK OF JOB) 21:8

An thlahai chu anni mithmu ngeia anni le tungding an na, An chithlahai an mithmu ngeiah, tungding an nih.

ISAI 44:3

Dangchâr chunga chun tui ka hung buok ding a ni sih a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 49:4

Kei ruok chun, “Athlâwn elin sin ka thaw inrim a, iengkhawm ni loa le boruok elah ka tha ka sêng a, nisien- lakhawm, matheiloin ka chunga rorêlna ding chu LALPA kuomah a nih a um chu, mi thungna ding khawm chu ka Pathien kuomah a nih a um chu,” ka tih a.

ISAI 55:2

Bu ni si loah ieng dinga tangka in sêng am a na? Khawp le tlaina ni si loah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun LALPA malsâwm chi an nih ti hrieng an tih.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, LALPAIN a tih.

EZEKIEL 36:29

Chun, in inthiengnawna po poa inthawkin sandam ka ti cheu a, chun, bu ko ka ta, sukpung ka ta, in chung- ah ṭâm inumtir naw ningah.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw nih a, rama thinghai khawm chun ra an insuo naw ding a ni sih a.

LEVI DÂN 26:22

Nangni lai ramsahai inhungtir ka ta, chuonghai chun in nauhai lâkpêk an ti cheu a, sukkiem tiel tiel an ti cheu a, in lampuihai chu ṭhing ṭhuop a tih.

LEVI DÂN 26:29

In naupasalhai sa fâng in ta, in naunuhmeihai sa khawm fa bawk in tih.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

HAGGAI 2:19

Bu ina chun a chi chu a la um rawp am a nih? Grêphrui dâm, theichang kûng dâm, theibufai dâm, oliv thinghai le chun ra an insuo ngai nawh a; vawisûna inthawk hin chu mal ka sâwm ding cheu a nih,” tiin. Zerubbabel kuoma Lalpa thutiem

MALAKI 3:10

Ka ina chun bu a um theina dingin, siekhâwmna ina chun sâwma pakhat po po chu hung la unla, chu- taka chun mi fie ro, sipaihai LALPA chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a nih ie,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:16

Chuleiin, lunginsietna a ni theina dingin, ringna leiin a nih hi suon po pohai chun thutiem chu matheiloa an hmu chu. Dân nei mi chauin an hmu ding a ni nawh a, Abraham ringna ang ringna neihai khawmin hmûng an tih. Abraham chu ei rênga pa a nih,

1 KORINTH 15:58

Chuleichun, ka unau dittakhai, dettakin, sukchâng ruolloin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet sih a.

GALATI 3:29

Chun, Krista ta in ni chun, Abraham thla, thutiem anga ro- hluotu dinghai in nih.