ISAI 65:18 - Pathien Lekhabu Inthieng (BSI)

¹⁸ Nisienlakhawm, ka thil siema chun kumkhuoin lâwmin hlim ro; ngai ta u, Jerusalem chu hlimnaah ka siem a, a mihai chu lâwmnaah ka siem a ni hi.

ISAI 65:18 ပူးပေါင်းရင်းမြစ်များ

2 CHANCHIN SUINA 6:41

Aw LALPA Pathien tuhin tho la, i châwlna hmuna chun nang le, i hrâtna bâwm chu; Aw LALPA Pathien, i thiempuhai chu sandam- nain inthuomhai sienla, i mi in- thienghai chu ṭhatnaah hlim raw hai se.

ISAI 12:1

Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 12:2

Ngai ta, Pathien chu ka san- damna a na, ring ka ta, ṭiin um naw ning ah; LALPA Jehova chu ka hrâtna le ka hla a ni sih a; a mi sandamtu a lo ni ta bawk a,” tiin.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu LALPAA chun lâwm in ta, Israelhai Mi Inthieng chu la suong in tih.

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; LALPA chun a mihai chu a thlamuon sih a, a mi rinum tuorhai khawm chu a lunginsiet ding a ni sih a.

ISAI 51:11

Chun, LALPA intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 51:3

LALPA chun Zion chu a thla- muon ta sih a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu LALPA huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 60:15

Tu khawm isir ngai lo khawpa râusan le theidaa i um aiah kumkhaw suong tak, suon tamtak lâwmnaah siem ka ti che.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 9:3

Hnam chu i suktam tah a, an hlimna khawm i sukpung tah a; bu sîk laia hlim angin i hmaah an hlim tah a, miin râllâk sum an sema an hlim ang elin.

ZEPHANIA 3:14

Aw Zion naunuhai, hla sak ro; aw Israel, khêk suok rawh; Aw Jerusalem naunu, lungril po poin hlimin lâwm rawh.

ZEKARIA 2:10

Aw Zion naunu, hlim la, hla sak rawh, en ta, ka hung mêk a, nangni lai chun ka chêng ding a ni sih a, LALPA chun a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

1 THESSALONIKA 5:16

Lâwm rawp unla,