ISAI 65:16 - Pathien Lekhabu Inthieng (BSI)

¹⁶ chuongchun, hnuoia hin mâni le mâni mal insâwm fâwmtu chu thutak Pathiena chun mal insâwm a ta; hnuoia hin ṭawng inkhâmtu chu thutak Pathien sâlin ṭawng inkhâm a tih; kha hmaa lunginzîngnahai chu theinghila a um ta leiin le ka mita inthawka thupa a um ta leiin.

ISAI 65:16 ပူးပေါင်းရင်းမြစ်များ

JOB LEKHABU (THE BOOK OF JOB) 11:16

I rinum tuorhai chu i theinghil ta âwm sih a; Tui luong hmang tahai ang chau chun hre zing i tih.

INPÂKNA HLABU 31:5

I kutah ka thlarau kân kawl- tir a, Aw LALPA, thutak Pathien, nang chun i mîn tlan tah.

INPÂKNA HLABU 63:11

Lal ruok chu Pathienah hlim a ta, Ama sâla inkhâm taphawt chun ama chu sawng an tih; Khêl hril hmanghai bau chu hipin a um ding a ni sih a.

INPÂKNA HLABU 72:17

A hming chu kumkhawtluongin dei naw nih a. A hming chu ama a um sûng chu dei loin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

INPÂKNA HLABU 86:15

Nisienlakhawm, aw LALPA, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

FESUOKNA 34:6

LALPA chun a hmatieng a lekhêl a, “LALPA chu, LALPA chu Pathien, lainatnaa sip, mi lunginsietthei, lunginsen intak, zângaina le thutak hau,

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 19:18

Chu nia chun Kanaan mihai ṭawnga ṭawng le, sipaihai LALPA kuoma ṭawng inkhâma thu tiem hlakhai chu, Aigupta ram sûngah khaw panga um a ta; pakhat chu Bohmangna Khuo tîng an tih.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 48:1

Aw Jakob sûng, Israel hming inṭâwmpuia, Juda tuihaia inthawk suok a, thutakah ni si loa, felnaa khawm ni bawk si lo, LALPA hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

ISAI 54:4

Ṭi naw, i muolpho âwm si nawh a; beidawng bawk naw, muolphoin i um âwm bawk si nawh a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si nawh a.

ISAI 54:5

Nangma siemtu chu i pasal a ni sih a; a hming chu sipaihai LALPA a nih; Israelhai Mi Inthieng chu nang- ma intlantu a ni bawk a nih; ama chu khawvêl po po Pathien tîng an tih.

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw nih a, inrûm ri khawm hriet ni ta naw ni;.

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 12:16

Chun, Baal kuoma ṭawng in- khâm dinga ka mihai an inchûktir anga, “LALPA chu a hring zing angin,” tia, ka hminga ṭawng inkhâm dinga, ka mihai lampuihai chu taima- taka an inchûk chun, ka mihai laia chun anni khawm chu siempuitling nîng an tih.

JEREMIA 31:12

Chun, hung an ta, Zion tlâng insângna laiahai chun hla hung sak an ta; LALPA ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

JEREMIA 4:2

chuongchun, nang chun, ‘LALPA chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekha- bua zieka hmu taphawthai chu sanhim nîng an tih.

DANIEL 12:11

Chun, pumrawhmang thilin- hlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, LALPA hminga ṭawng inkhâma betuhai le;

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:11

“Lalpa chun, ‘Mi tinrêng Ka hmaah kûn an ta, Lei tinrêng khawm Pathien kuomah inphuong an tih,’ Tiin ṭawng kân khâm a nih,” a tih a, ti ziek ang khan.

DÂN PAHNINA 10:20

LALPA in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 6:13

LALPA in Pathien chu in ṭi ding a na, ama rawng chu bâwl in ta, a hming sâlin ṭawng in inkhâm ding a nih.

PHILIPPI 2:11

Pa Pathien sukropuina dingin, “Isu Krista chu Lal a nih,” tia lei tinrêngin a puongna dingin.

THUPUONGSUO 20:4

Chun, lalṭhungphahai ka hmuh a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk loa, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.