ISAI 64:8 - Pathien Lekhabu Inthieng (BSI)

⁸ Tu ruok hin chu aw LALPA, nang chu kan pa i na; keini hi bepil kan na, nang chu a mi hemtu i na, chuong- chun, kan rêng hin i kutsuok kan nih.

ISAI 64:8 ပူးပေါင်းရင်းမြစ်များ

JOB LEKHABU (THE BOOK OF JOB) 10:3

Nanga ngaiin, i nêksâwr a, I kut sinthawhai chu i hmusit a, Mi rilohai inrâwnna i sukvar chu a ṭha am a nih?

INPÂKNA HLABU 100:3

LALPA chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

INPÂKNA HLABU 119:73

I kutin i mi siemin, i mîn din a nih, I thupêkhai chu kân chûk thiem theina dingin hrietthiemna mi pe rawh.

INPÂKNA HLABU 138:8

LALPA chun ka chungchânga a thaw ding chu hlen a tih, Aw LALPA, i ngilneina chu kumkhawtluongin um a ta, Nangma kut thilthawhai hi bânsan naw rawh.

INPÂKNA HLABU 74:1

Aw Pathien Iengdinga kumkhuoa i mi thlauthlâk am a na? Iengdinga i ran tlatna hmuna berâmhai chunga hin i lungsen a khûk am a na?

INPÂKNA HLABU 95:6

Aw hung unla, chibai bûkin kûn ei tiu, LALPA a mi Siemtu hmaah dingṭhaṭhuon ei tiu.

FESUOKNA 32:12

Iengdingin am Aigupta mihai chun, ‘Hnuoi chunga anni sukbo- hmang vawng ding le tlânghaia chun anni sukhlum dingin thiltum ṭha- nawtakin anni a ṭhuoi suok a,’ ti el an ti leh? I lunginsenna ṭiumtaka inthawk chun inher la, i mihai chunga hi thil ṭhanaw hi lakîr rawh.

FESUOKNA 4:22

Chun, nangin Pharao kuoma chun, ‘Hieng hin LALPA chun a tih; Israel hi ka naupa, ka nau lutîr a nih;

ISAI 19:25

sipaihai LALPA chun, “Ka mi Aiguptahai le ka kutsuok Assuria- hai le ka rochan Israelhai chu malsâwmin um raw se,” tiin mal a sâwm sih a.

ISAI 29:16

Thilhai hi in suklinglet vawng hlak de aw! Bêlhemtu chu bepil ang chaua ngaiin a um ding am a nih? Thilsiem chun a siemtu chu, “Ama mi siem ka ni hlak lêm” a ti el chu? annawleh, thil inngîra um chun ân ngîrtu chu, “Hrietna hrim a nei nawh,” ti am a ni leh?

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 44:21

Aw Jakobhai, chuong thilhai chu hre zing ro, Israelhai, hre zing bawk ro; ka siehlawhai in ni sih a; keiin kân ngîr cheu a; ka siehlawhai in nih; aw Israelhai, ka theinghilin um naw ti niu.

ISAI 44:24

LALPA, nangni intlantu, sula inthawka nangni inngîrtu cheu chun hieng hin a tih, “Kei hi LALPA, thil po po siemtu, mâni chaua vân keiphar- tu, hnuoi suklientu chu ka nih; tu am ka kuomah a um a?

ISAI 45:11

LALPA Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 45:9

Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

ISAI 57:16

Kumkhuoin ka do âwm si nawh a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 63:16

Abraham chun mi hre loin, Israel khawm chun mi ngaisak naw sien khawm, nang chu ka pa i ni sih a; nang chu, aw LALPA, kan pa i na, i hming chu chatuona inthawka keini mîn tlantu a nih.

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti sih a; chuongchun, anni san- damtuah a hung um tah a.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

JEREMIA 31:9

Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

HOSEA 1:10

Nisienlakhawm, Israel nauhai chu tuisuorieta phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

MALAKI 2:10

Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khaw- hlotaka ei thaw am a na?

JOHAN 8:41

Nangni chun chu in pa thil chu in thaw hlak,” a ta. Anni chun a kuomah, “Uire naua pieng kan ni nawh ie, Pa pakhat chau kan nei, Pathien chu,” an ta.

GALATI 3:26

Isu Krista ring leiin Pathien nauhai in ni vawng sih a.

GALATI 3:29

Chun, Krista ta in ni chun, Abraham thla, thutiem anga ro- hluotu dinghai in nih.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

DÂN PAHNINA 32:6

Aw mi invêt le var nawhai, Chuong ang chun maw LALPA chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

DÂN PAHNINA 9:29

I thilthawtheina ropuitak le i bân phara i ṭhuoi suok, i mihai le i rochanhai an ni tlat sih a,’ ka tih a.