ISAI 64:5 - Pathien Lekhabu Inthieng (BSI)

⁵ Nang chun hlimtaka uma, fel- taka thawtu, i lampuihaia nangma hre zing hlaktuhai chu, i tuok hlak a; ngai ta, nang i lunginsen a, keinin thil kan suksuol a; chuongahai chun sâwttak kan lo um tah a, chuong- chun, sandamin la um thei kan ti?

ISAI 64:5 ပူးပေါင်းရင်းမြစ်များ

INPÂKNA HLABU 103:17

LALPA zainêmna ruok chu a ṭituhai chunga chun chatuona inthawka chatuon chenin um a ta, A felna khawm an thlahai thlahai chenin;

INPÂKNA HLABU 112:1

LALPA chu inpâk ro, LALPA ṭi mi chu a hamṭha ie, a thupêkhaia nasataka lâwm mi chu.

INPÂKNA HLABU 25:10

A thuthlung le a thuinhriettir zâwmtuhai ta ding chun, LALPA lampui po pohai chu ngilneina le thutak vawng a nih.

INPÂKNA HLABU 37:4

LALPA chunga chun lâwm bawk la, Chuongchun, i lungril dit zâwnghai chu pêng a ti che.

FESUOKNA 20:24

Ka kuomah leihnuoiin mâichâm siem i ta, chu chunga chun rawhmang thilinhlânhai, inremna thilinhlânhai le, i berâmhai le i bâwngchalhai chu hung inhlân i ta; ka hming hriet zing dinga ka tina chun i kuomah hung ka ta, mal sâwm ka ti che.

FESUOKNA 25:22

Chutaka chun intuokpui ka ti cheh a, Israel thlahai kuoma thupêk kawnga thil ka pêk ding che po po chu, Thuthlung bâwm chunga zângaina ṭhungpha chunga inthawk chun hung inhriettir ka ti che.

FESUOKNA 30:6

Thuthlung bâwm chunga zângai- na ṭhungpha kân tuokpuina ding che hma zâwnah, Thuthlung bâwm kâwl- a puonzâr hmaa chun sieng i tih.

ISAI 1:30

Thingsaisuo a hna vuoi ta le, huon tui hmu naw ang el hi in ni ding a nih.

ISAI 12:1

Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 26:13

Aw LALPA kan Pathien, nang chau ni loin, lal dang khawma kan chungah thu an nei ta hlak a, nisien- lakhawm, nangma ṭhangpui ngeiin i hming hi lam tâng kan tih.

ISAI 27:8

Ama chu în fe hmangtir laiin a hun charin ama chu i sêl a; khawsak thli hrâng ni chun ân thli natak chun ama chu a lên sawn tah a.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw tah a.

ISAI 63:7

LALPAIN thil iengkima a mi vur ang peiin LALPA zainêmzie thuhai le LALPA inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

DANIEL 9:5

kan lo suol tah a, indiklotakin kan lo thaw tah a; khawhlotakin kan lo thaw tah a, kan lo hel tah a; i rorêlnahai le thupêkhaia inthawka lo inher hmangin;

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

ZEKARIA 3:3

Chun, Josua chu silfên ṭawptakin ân thuom a, vântirko hmaa chun a ngîr tah a.

MALAKI 3:6

“Kei LALPA hi ka danglam ngai si nawh a; chuleiin, nangni, aw Jakob naupasalhai, in bohmang naw a nih.

THILTHAWHAI 10:35

nisienlakhawm, hnam tin lai tû- khawm ama ṭia, feltaka thaw taphawt chu, a lâwm zâwng mi a ni hlak.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhung- pha chu huoitakin hnai ei tiu.