ISAI 64:2 - Pathien Lekhabu Inthieng (BSI)

² meiin thing nawi a suk chawk a, tui dâm a sukso ang hin, hnam tin i hmaah an inthin a, nangma dotuhai che kuoma chun i hming chu in- hriettir a ni theina dingin.

ISAI 64:2 ပူးပေါင်းရင်းမြစ်များ

INPÂKNA HLABU 106:8

Chuong sa khawm chun ama hming leiin anni chu a sandam tah a, A thilthawtheina ropuitak chu ân hriettir theina dingin.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 79:10

Hnam tinin, “Khâwlai am an Pathien kha teh?” an ti el dîm a nih? I siehlawhai thisen suok phubalâkna chu, Kan mithmuah hnam tin lai hin hriet ni raw se.

INPÂKNA HLABU 83:13

Aw ka Pathien, anni chu pilvut khu chum chum ang hin the dar la, Businâwi thli imût lêng ur ur ang el hin.

INPÂKNA HLABU 9:20

Aw LALPA, anni chu sukṭi la, Hnam tin chun mihriem el an nih ti inhre raw se.

INPÂKNA HLABU 99:1

LALPA chu lalah a ṭhung a, mi tin chu inthin raw se, Ama chu cherubhai chungah a ṭhung a, hnuoi hi inhnîng raw se.

FESUOKNA 14:4

Chun, Pharao lungril chu suk- ngar ka ta, anni chu hung hnawtzui a tih; chun, Pharao le a sipaihai chungah ropuina chang ka tih: chun, Aigupta mihai chun LALPA ka ni mi hre tâng an tih,’ tiin,” a tih a. Chuong ang tak chun an thaw tah a.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, LALPA chu Perazim tlânga a tho ang khan a tho ding a ni sih a, Gibeon ruoma a lunginsen ang khan a lunginsen ding a ni sih a.

ISAI 37:20

Chuleiin, aw LALPA kan Pathien, nang hi, nang chau hi, LALPA i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 63:12

A bân ropuitak Mosie chang- tienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 5:22

Kei chu in mi ṭi naw maw? LALPA chun a tih; Keia hmaihmaa, kumkhaw thupêk anga a liem thei nawna dinga tuisuoriet khuopnaa phaiphin sietu hmaah in inthin naw ding maw? chutaka tuifâwnhai chu an hang innawk hlaka chu, a liem thei si nawh a; an inrûm hlaka chu an fe khêl thei bawk si nawh.

AMOS 4:12

“Chuleiin, aw Israel, i chungah hieng ang hin ka thaw ding a nih; i chungah hi hi ka thaw ding a ni leiin, aw Israel, i Pathien chu tuok dingin insiem zo rawh”.

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

ZEKARIA 14:4

Chu nia chun a kehai chu Oliv tlânghai, Jerusalem sak ela umhai chunga chun ngîr a ta, chun, Oliv tlânghai chu a laia chun saktieng le thlangtienga chun kakintan a ta, chuongchun, ruom nasatak hung um a tih; chun, chu tlâng chenve chu hmârtieng insawn a ta, a chenve dang chu simtieng insawn a tih.

DÂN PAHNINA 2:25

Vawisûn hin vânkhuphnuoia hnam tin chunga chun nangma ṭina le ṭitumna in um ṭantir ka ta, i chanchin lo hrieng an ta, inthin an ta, nangma leiin lungngaitakin um an tih,’ tiin.