ISAI 64:11 - Pathien Lekhabu Inthieng (BSI)

¹¹ Kan in inthieng le kan in mawitak, kan puhaiin an lo inpâkna hlak che chu, meia raw a na; kan thil ditumhai po po hlak chu suksietin a um ta vawng sih a.

ISAI 64:11 ပူးပေါင်းရင်းမြစ်များ

1 LALHAI 8:14

Chun, lal chu a hnungtieng chun a nghah a, Israel hung pung- khâwmhai po po chu mal a sâwm a, chuongchun, Israelhai pungkhâwm- hai po po chu an ngîr ṭhuop a.

1 LALHAI 8:56

“A thutiem po po ang peia a mi Israelhai châwlna petu LALPA chu inpâkin um raw se, a siehlaw Mosie hmanga a thutiem ṭhahai po po kha pakhat khawm ân khêl nawh a.

2 LALHAI 25:9

LALPA in le lal in chu a rawh a; Jerusalem in po po, in ropui taktak- hai chu a rawh a.

2 CHANCHIN SUINA 36:19

Chun, Pathien in chu an rawh a, Jerusalem kul chu an vuokchim a, chutaka a lal inhai po po chu meiin an rawh a, chutaka bûr le bêl ṭhahai po po chu an suksiet bawk a.

2 CHANCHIN SUINA 6:4

Chun, ama chun a hril a, “Israel- hai Pathien LALPA chu inpâkin um raw se, ka pa David kuoma a baua thu lo hril a, a bânhaia lo sukpui- tlingtu chu:

2 CHANCHIN SUINA 7:3

Mei a hung tla a, in chunga chun LALPA ropuina a um zing lai chu Israel thlahai chun an en zing a; tuolzâwla chun an hmaihaia hnuoi sikin an kûn a, chibai an bûk a; “Ama chu a ṭha sih a, a zângaina chu kum- khawtluonga um zing ding a nih,” tiin, LALPA chu lâwmthu an hril a.

2 CHANCHIN SUINA 7:6

Thiempuhai chu an sinthaw ang pei chun an ngîr a; an rawngbâwlnaa Davidin ân pâk laia, “A zângaina chu kumkhawtluongin a um zing sih a,” tia, LALPA inpâkna dinga lal Davidin LALPA thil rimawi thuomhnawhai a siemhai le chun Levi mihai chu an ngîr ve a; chun, thiempuhai chun an hmaa chun tawtawrâwt an hang mût a, Israel mihai po po chu an ngîr ta ṭhuop a.

ISAI 63:18

I mi inthienghai chun sâwt nawtê chau an nei a, a mi dotuhai chun i hmun inthieng chu an sir siet tah.

JEREMIA 52:13

LALPA in le lal in chu a rawh a; Jerusalema in po pohai, in ropui takhai khawm chu meiin a raw tah a.

ṬAP HLA 1:7

Jerusalem chun sukrinuma a um nihaia le, a rimsik nihaia chun, a hriet zing, A tienlai inhawitirna po po kha; A mipuihai chu hmêlma kuta an tlûk lai chun an ṭhangpui nawh a, Hmêlmahai chun an hmuh a, râusana a umnaa chun an nuisan a.

ṬAP HLA 2:1

Zion naunu chu LALPA chun a lunginsena iengtizie a sûmpuia ân khum am a na! Israel mawina chu vâna inthawkin hnuoiah a hung pei thlâk a; A lunginsen nia chun a ke innghatna khawm chu a hriet zing ta nawh.

ṬAP HLA 2:7

LALPA chun a mâichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, LALPA ina chun an khêkri chêl chûl a,

EZEKIEL 24:21

‘Israel sûngkuo kuoma chun hril la, Lalpa PATHIEN chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 24:25

“Chun, nang mihriem naupa, an kul det, an ropuina hlimna, an mithai châkna le, an lungril an sienahai, an naupasalhai le an naunuhmeihai ka lâk pha chun,

ZEKARIA 1:12

Chun, LALPA vântirko chun a dawn a. ‘Aw sipaihai LALPA, kum sâwmsari sûng rau an chunga nasa- taka lunginsenna i nei, Juda khaw- puihai le Jerusalem chunga hin ieng chen am zângaina nei loin i um ding a na?’ a ta.

MATTHAI 24:2

Chun, a inchûktirhai chu Pathien biekinhai inentir dingin a kuomah an hung a. Ama ruok chun, an kuomah, “Hieng po po hi in hmu maw? Titakzetin ka hril cheu hi, sukchim loa lung inthuo hrim hrim hitaka hin um naw ni,” a ta, a dawn a.

DÂN PAHNINA 29:23

a ram pumpui chu kât le chi le kângzêu, iengkhawm chîng nawna, iengkhawm inder nawna, hlobethai khawm inder nawna, Sodom le Gomorra le Adma le Zeboiim suksiet, LALPA lunginsen le lungâwinawa a suksiet ang anga suksiet a ni an hmu hnung chun,