ISAI 63:8 - Pathien Lekhabu Inthieng (BSI)

⁸ Ama chun, “Ka mihai, nau a tehlêma thaw lo dinghai an ni ngei el,” a ti sih a; chuongchun, anni san- damtuah a hung um tah a.

ISAI 63:8 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INPÂKNA HLABU 106:21

Pathien an sandamtu an theinghil tah a, Aigupta rama thil ropuitak tak thawtu chu;

FESUOKNA 14:30

Chu ni chun LALPAIN Israel- hai chu Aigupta mihai kuta inthawk- in a sanhim tah a, vadung pang sîr vêla Aigupta mi thihai chu Israelhai chun an hmuh a.

FESUOKNA 24:7

Chun, thuthlungna lekhabu chu a lâk a, mipui hrieta chun a tiem tah a; anni chun, “LALPAIN a hril taphawt chu thâwng kan ta, thu- awitakin um kan tih,” an tih a.

FESUOKNA 3:7

Chun LALPA chun, “Aiguptaa ka mihai rimsikzie chu feltakin ka hmuh a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rik- phurna hnuoia inthawka la suoktu cheu, in Pathien LALPA ka nih ti hre tâng in tih.

ISAI 12:2

Ngai ta, Pathien chu ka san- damna a na, ring ka ta, ṭiin um naw ning ah; LALPA Jehova chu ka hrâtna le ka hla a ni sih a; a mi sandamtu a lo ni ta bawk a,” tiin.

ISAI 19:20

Chu chu Aigupta rama sipaihai LALPA ta ding chun inchikna le hrietna nîng a tih, nêksâwrtuhai leiin LALPA chu an la ko ding a ni sih a; chuongchun, ama chun sandamtu le humhimtu tir a ta, ama chun annirawi chu sansuok a tih.

ISAI 3:15

mi rimsihai kuoma inthawka sum lâk chu in inah a nih a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

ISAI 41:8

Nisienlakhawm, nangni Israel- hai ka siehlaw, Jakob hai ka mi thlang, ka ruolpa Abraham thlahai,

ISAI 43:11

Kei, keima ngei hi, LALPA chu ka nih; keima naw chu sandamtu hrim hrim an um nawh.

ISAI 43:3

Kei hi LALPA in Pathien Israel- hai Mi Inthieng, nangni sandamtu ka ni sih a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni sih a, mi tin enna dingin ka rorêlna chu inchâwltir ka tih.

ISAI 57:11

Tu am i ṭih a, în lau a, khêl i hril hlak a, kei i mi hriet ta nawh a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei LALPA hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ISAI 64:8

Tu ruok hin chu aw LALPA, nang chu kan pa i na; keini hi bepil kan na, nang chu a mi hemtu i na, chuong- chun, kan rêng hin i kutsuok kan nih.

ISAI 64:9

Aw LALPA, lunginsen talaw naw la, khawhlonahai khawm kumkhaw- tluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

HOSEA 13:4

Kei ruok hi chu Aigupta rama inthawk tah a, LALPA i Pathien chu ka na, Kei ti naw chu Pathien dang i hriet ngai nawh a; Kei naw hi chu sandamtu dang an um nawh.

ZEPHANIA 3:7

Ama chungthua ka lo ruot ta ang po poin, a chêngna chu sât thlâk a ni nawna dingin. “Matheiloin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik nawh a.

JOHAN 1:47

Isûn Nathanael a kuoma hung ding chu a hmuh a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:28

Chanchin Ṭha tieng ngaituo chun nangni leiin hmêlma an nih; Thlang thu tienga ngaituo ruok chun, thlatuhai lei khan dittakhai an nih.

EPHESI 4:25

Chuongchun, khêl hril bânin mani vênghai kuomah thu indiktak hril seng ro; inpêngtuo seng ei ni sih a.

DÂN PAHNINA 32:5

Ṭha nawtakin a chungah an thaw a, a nauhai an ni ta nawh an demkaina leiin, Suon bengtlanaw le kâwmaw an nih.

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

KOLOSSA 3:9

Khêl inhril tuo naw ro, mihriem hlui chu a thilthawhai leh in hlîp thlâk tah a.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu tah a, ei inhriettir a nih.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

1 SAMUEL 12:22

A hming ropuitak lei hin LALPA chun a mihai chu a nghatsan âwm si nawh a, a mihai ni dinga siem cheu chu LALPA lâwm zâwngtak a ni sih a.