ISAI 63:17 - Pathien Lekhabu Inthieng (BSI)

¹⁷ Aw LALPA, nangin iengleiin am i lampuia inthawk dâm hin i mîn vâkhmangtir hlak a, nangma chu ṭi lo dinga kan lungril hi i mi sukngarpêk hlak am a na? I siehlaw, i rohluo hnamhai lei hin, hung kîr nâwk rawh.

ISAI 63:17 ပူးပေါင်းရင်းမြစ်များ

INPÂKNA HLABU 119:10

Ka lungril po po hin ka zawng cheh a, Aw, i thupêkhai ka fehmangsan chu phal lul naw rawh.

INPÂKNA HLABU 119:36

I thuinhriettir tienga chun ka lungril hi inthlêktir la, Duâmna tiengah ni loin.

INPÂKNA HLABU 141:4

Rîtlona thilhai, Thil suksuol mihai thawpui dingin, Ka lungril hi thil ṭha naw tieng hrim hrima chun inthlêktir naw la, An fâk inhniktak takhai chu mîn fâktir bawk naw rawh.

INPÂKNA HLABU 80:14

Aw sipaihai Pathien, lungin- siettakin nghakîr nâwk ta; Vâna inthawk khan zuk en la, hi grêp hrui hi en la, hung kan rawh.

INPÂKNA HLABU 90:13

Aw LALPA hung kîr nâwk la, ieng chen am i lunginsen ding a na? I siehlawhai chungthua chun i lungril inlêt rawh.

FESUOKNA 11:10

Mosie le Aron chun Pharao hmaa chun thilmakhai po po chu an thaw tah a; nisienlakhawm, LALPA chun Pharao lungril chu a sukngar a, Israel thlahai chu a rama inthawk ân fe suoktir chuong nawh a.

FESUOKNA 4:21

LALPA chun Mosie kuomah, “Aiguptaa i kîr nâwk pha, i kuta thilmak ka sie po pohai kha Pharao hmaah thaw ngei i ta; nisien- lakhawm, mihai chu ân fetir nawna dingin a lungril chu ka sukngar ding a nih.

ISAI 19:25

sipaihai LALPA chun, “Ka mi Aiguptahai le ka kutsuok Assuria- hai le ka rochan Israelhai chu malsâwmin um raw se,” tiin mal a sâwm sih a.

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuong- chun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 30:28

a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltir- na kei dingin hrui um a tih.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

ṬAP HLA 3:9

Ka lampuihai chu lung a saka sakhaiin ân huon a, ka lampuihai chu a sukkâwi a.

EZEKIEL 20:26

chun, anni thilpêkhaia ngei, sul hung hawngtu taphawt meia an infethlengtirnaa chun, anni chu râusana ka siem theina ding le, a tâwpa chun LALPA ka nih ti an mi hriet theina dingin anni chu ka sukpawrcheh a.

ZEKARIA 1:12

Chun, LALPA vântirko chun a dawn a. ‘Aw sipaihai LALPA, kum sâwmsari sûng rau an chunga nasa- taka lunginsenna i nei, Juda khaw- puihai le Jerusalem chunga hin ieng chen am zângaina nei loin i um ding a na?’ a ta.

NAMBAR 10:36

Chun, ân nghat po leh, “Aw LALPA, Israel mipuihai lai hin hung kîr nâwk rawh,” a ti hlak a.

JOHAN 12:40

“Amain an mit a sukdel a, An lungril a sukvêt a; Chuong naw chun, an mitin hmu rawi an ta, An lungrilin hre rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

DÂN PAHNINA 2:30

Nisienlakhawm, Hesbon lal Sihon chun a rama chun a mîn fe thlengtir phal nawh a; LALPA in Pathien chun vawisûna anga in kuta a pêk theina ding cheuin a lungril a sukngarpêk a, a suklulul a nih.

JOSUA 11:20

LALPAIN Mosie thu a pêk ang anga sukchimit vawng a, ditsakna nei dêr loa a sukbohmang theina dinga an lungril sukngarpêka Israel- hai indotir hlaktu chu LALPA chu a ni sih a.