ISAI 63:12 - Pathien Lekhabu Inthieng (BSI)

¹² A bân ropuitak Mosie chang- tienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

ISAI 63:12 ပူးပေါင်းရင်းမြစ်များ

1 LALHAI 8:42

(i hming ropuitak hai, i kut hrâttak hai, i bân i phar thuhai hi an la hriet tâwl ding a ni sih a;) chuong mihai chun hi in tieng nghah a, an hung ṭawngṭai pha chun;

NEHEMIA 9:10

Pharao le a siehlawhai po po le, a rama mi po pohai chungah inchikna le thilmakhai în langtir a; chapotakin an chunga thil an thaw ti i hriet sih a, chuongchun, tu chen hin hming în siem tah a.

NEHEMIA 9:11

Chun, an hmaa chun tuisuoriet chu i sukṭheh a, chuongchun, hnuoi hulah tuisuoriet sûng chu an fe thleng a; anni hnawttuhai chu tui inthûktakah, tui nasataka lung pei lût ang elin i pei lût a.

INPÂKNA HLABU 78:13

Tuisuoriet chu a sukṭhe phawk a, anni chu ân fe kâitir a, Tuihai chu iengkhat sie khâwm thûr angin ân ngîrtir nguou a.

INPÂKNA HLABU 80:1

Aw Israelhai vêngtu, Berâm pâwl anga Josefhai ṭhuoitu, na lo sit rawh aw; Nang cherubhai chunga ṭhung chu, hung var suok rawh.

FESUOKNA 15:13

Nangin i zângainain mipui în tlanhai chu i ṭhuoi a; I umna hmun inthiengah i hrâtnain anni chu i ṭhuoi a.

FESUOKNA 15:16

Inlâuna le ṭitnain anni a vûr a, I kut thahrâtna leiin anni chu lung ang elin an to ṭawk ṭawk a; I mipuiin an fe khêl chenin, Aw LALPA: I mipui i închâwkhaiin an fe khêl chen chun.

FESUOKNA 15:6

Aw LALPA, i kut changtieng chu thilthawtheinain a ropui a, Aw LALPA, i kut changtieng chun hmêlma chu a nuoihâwp a.

FESUOKNA 6:6

Chuleiin, Israel thlahai kuomah hril la, ‘LALPA ka nih a, Aigupta mihai rikphurhai hnuoia inthawkin la suok ka ti cheu a, an suok in nina chu sukbopêk ka ti cheu a, bân pharin rorêlna nasatak leh intlan suok ka ti cheu.

ISAI 11:15

Chun, LALPA chun Aigupta tuisuoriet kilkawi chu sukse vawng a ta; Vadungpui khawm chu a thli lum vut vut chun a kut thin khum a tih; vadungtê pasaria siem khawp rauin vuong a ta, mihai chu kepha khawm hu loin infekaitir a tih.

ISAI 43:16

LALPA chun hieng ang hin a tih: tuisuorieta lampui siemtu le, tui nasatakhaia lampui siemtu;

ISAI 44:27

tui inthûktak kuoma, ‘Kang intan rawh, i vadunghai khawm ka sukkang ding a nih,’ titu,

ISAI 51:10

Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 55:13

Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu LALPA ta dinga hmingṭhatna ding le, kum- khawtluonga inchikna sukbohmanga um lo ding nîng a tih.

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni loin, an ta dingin pasal ka ni dea chu, chu ka thuthlung chu an bawsiet a, LALPA chun a tih.

JEREMIA 32:20

ama chun vawisûn ni chen hin Aigupta rama chun inchiknahai le thilmakhai chu a thawh a, Israel rama le mi danghai kuoma khawm; vawisûn nia ang hin ama chun hming a siempêk cheh a.

JEREMIA 32:21

Aigupta rama inthawkin i mi Israelhai chu inchiknahai dâm, thil- makhai dâm, kut hrât dâm le, bân phar dâm le ṭium nasatak leh i hung ṭhuoi suok a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:17

Pathien Lekha Thuin Pharao kuomah, “Ahi lei ngawt hin ka tungding che a nih, nangmaa chun, ka thilthawtheina kân entir theina ding le khawvêl po poa ka hming ân thang theina dingin,” a ti sih a.

JOSUA 3:16

saktienga inthawka tui hung luong thla lai chu a ngîr tah a, hla reiah, Zarethan ram bula Adam khuoa chun a lo inhlawm ngîr ûr el tah a; chun, Araba tuisuoriet, Tui- suoriet Al chu, chu tienga luong lûthai khawm chu suktan vawng an ni tah a; chuongchun, mipuihai chu Jeriko khuo zawn taka chun an kai tah a.