ISAI 63:11 - Pathien Lekhabu Inthieng (BSI)

¹¹ Chuong lai chun a mihai chun, Mosie tienlai nihai chu an hriet zing a, hieng ang hin an tih, “Tuisuorieta inthawka a berâm ruol vêngtuhai leh anni hang ṭhuoitu kha khâwlai am? A thlarau inthieng anni laia sietu kha khâw lai am?

ISAI 63:11 ပူးပေါင်းရင်းမြစ်များ

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw nawh a, an dangchâr sukrêna dingin tui i pêk a.

INPÂKNA HLABU 106:44

Chuong sa khawm chun, ama chun an khêkri chu a hriet chun, An lunginzîng chu a ngaisak a.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt tah a.

INPÂKNA HLABU 106:9

Tuisuoriet Sen chu a hal a; chuongchun, a kang tah a, Chuongchun, anni chu thlalêra ṭhuoi tlang ang elin tui inthûktakahai chun a ṭhuoi tlang tah a.

INPÂKNA HLABU 143:5

Tienlai nihai chu ka hriet zing hlak a, I thilthaw po pohai chu ka ngaituo hlak a; I kut sinthawhai chu ka sût hlak.

INPÂKNA HLABU 25:6

Aw LALPA, i lainatnahai le i ngilneinahai chu hre zing la, Inhmaa lo um kumkhuo tah a ni sih a.

INPÂKNA HLABU 51:11

I kuoma inthawk hin mi peihâwn naw la, I Thlarau Inthieng hi mi lapêk naw rawh.

INPÂKNA HLABU 77:12

I sinthaw po po kha ngaituo bawk ka ta, I thilthawhai khawm kha sût ka tih,” ka tih a.

INPÂKNA HLABU 77:20

Mosie le Aron kutin, I mihai chu berâm ruol angin i ṭhuoi hlak.

INPÂKNA HLABU 78:52

Nisienlakhawm, ama mihai chu berâm angin a ṭhuoi- suok a, Ranruol angin thlalêra khan a ṭhuoi a.

FESUOKNA 14:22

Israel thlahai chu tuipui inkâra chun hnuoi hulah an fe tah a; tuihai chu an changtieng le vawitieng bang angin a um a.

FESUOKNA 14:30

Chu ni chun LALPAIN Israel- hai chu Aigupta mihai kuta inthawk- in a sanhim tah a, vadung pang sîr vêla Aigupta mi thihai chu Israelhai chun an hmuh a.

ISAI 43:16

LALPA chun hieng ang hin a tih: tuisuorieta lampui siemtu le, tui nasatakhaia lampui siemtu;

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw tah a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 2:6

Anni chun, ‘Aigupta rama in- thawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tukhawm an fethleng ngai nawna le, mi tukhawm chêng nawna rama mi ṭhuoitu LALPA kha khaw lai am a um a? khawm an ti nawh.

DANIEL 4:8

Amiruokchu, a tâwp taka chun ka hmaa chun Daniel chu a hung lût a, a hming chu ka pathien hming ang peiin Beltesazzar a nih; amaa chun pathien inthienghai thlarau chu a um a; chuongchun, a hmaa chun mang chu ka hril tah a;

HOSEA 12:13

Zâwlnei hmangin Israel chu Aiguptaa inthawkin LALPAIN a ṭhuoi suok a; Zâwlnei bawk hmang chun a hum bawk a.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

HAGGAI 2:5

Aigupta rama inthawka in hung suok laia in kuoma ka thuthlung thu anga khan in kuomah ka um a, ka thlarau chu nangni laia chêng zing a ni sih a: ṭi dêr naw ro, LALPA chun a tih,” tiin.

ZEKARIA 4:6

Ama chun ka kuomah, “Hi hi Zerubbabel kuoma LALPA thu, ‘Sipai- in ni loin, thilthawtheina khawma ni loin, amiruokchu, ka thlarauin,’ tiha sipaihai LALPAIN a hril chu a nih,” a ta.

NAMBAR 11:17

Chuongchun, hung ṭum ka ta, chutaka chun hung bieng ka ti che; chun, nangmaa thlarau chu an chunga chun sieng ka ta; nanga khâta phur loin, mipuihai rikphur chu phurpui an ti che.

NAMBAR 11:25

Chuongchun, LALPA chu sûma chun a hung ṭum a, a hung biek a, amaa thlarau chu upa sâwmsari hai chunga chun a sieh a. Thlarâu chu an chunga a hung um phingleh thu an hril ta duol a; nisienlakhawm, chuong ang chun an thaw an thaw nâwk ta nawh.

NAMBAR 11:29

Mosie chun a kuomah, “Keia leia ngaimaw am i nih? LALPA mihai po po chu zâwlnei ni vawng hai sienla. LALPAIN an chungah a thla- rau chu sie seng sienla ti nâklaiah,” a ta.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thu- thlungna thisen zâra mithi laia inthawka ṭhuoi suok nâwktu inrem- na Pathien khan,

RORELTUHAI 6:13

Gideon chun a kuomah, “Aw pu, LALPA kan kuomah a um si chun, iengtizieha hienga kan chunga thil tlung el am a nih a? Kan thlatuhai khan, ‘LALPA chun Aiguptaa in- thawk khan a mi ṭhuoi suok ni lo am a nih?’ tia a thilthaw maktak takhai an mi hrilhai dâm kha khâwlai am a um zo ta leh? Tuhin chu LALPA chun a mi nghatsan dêr tah a, Midianhai kutah a mi pêk tah a ni hi,” a tih a.