ISAI 63:10 - Pathien Lekhabu Inthieng (BSI)

¹⁰ Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw tah a.

ISAI 63:10 ပူးပေါင်းရင်းမြစ်များ

INṬANNA 6:6

Chuongchun, hnuoia hin mi- hriem a lo siem ta lei chun LALPA chu ân sîr a, lungril natnain a hmang pha tah a.

2 CHANCHIN SUINA 12:2

Chun, Rehoboam inlal kum nganaa chun Aigupta rama lal Sisak chun Jerusalem a hung rûn a, LALPA chungah an lo bawsiet ta leiin;

NEHEMIA 9:26

Nisienlakhawm, an hung kâw- mawh a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thawh a.

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thawh a, i thupêk- hai an pawm nawh a, i rorêlna kalin thil an suksuol a; (miin an zâwma an hringpui ding chu); chun, an tuk- hnungkhur an innghat a, an insuk- kâwmawh a, an ngai nuom nawh a.

INPÂKNA HLABU 106:33

A thlarau chungah an hel a, A hmûra ṭha nawtaka a hril leiin.

INPÂKNA HLABU 107:11

Pathien thuhai chungah an hel a, Achunghnungtak remruot chu an ngainêp leiin.

INPÂKNA HLABU 51:11

I kuoma inthawk hin mi peihâwn naw la, I Thlarau Inthieng hi mi lapêk naw rawh.

INPÂKNA HLABU 78:17

Chuong sa khawma a chungah thil an la suksuol ta rawp a, Ram ṭâwla chun Achunghnungtak chunga chun an hel a.

INPÂKNA HLABU 78:21

Chuongchun, LALPA chun a lo hriet a, a lung a sen tah a, Jakobhai chungah mei a hung chawk suok tah a, Israelhai chungah lunginsenna a hung tah a.

INPÂKNA HLABU 78:40

Thlalêra khan a chungah an va hel inzingin, Ram ṭâwla khan ama chu an va suklungngai inzing de!

INPÂKNA HLABU 78:49

A lunginsenna nasatak chu an chungah a thlâk a, Lunginsenna dâm, lungdam nawna dâm, lunginzîngna nasatak dâm hi, Thil ṭha nawtak intluntu tirko pâwl chu.

INPÂKNA HLABU 78:56

Nisienlakhawm, Pathien Achunghnungtak chu an infieh a, a chungah an hel a, A thu inhhriettirhai chu an zâwm si nawh a.

INPÂKNA HLABU 78:8

Le, an thlatuhai anga, Suon kâwmaw le hel hmang, Suon lungril siem diklo, Pathien kuoma lungril ringum naw puta an um nawna dingin.

FESUOKNA 15:24

Mipui chu, “Ieng am dâwn tâng ei ta?” tiin Mosie chungah an chier tah a.

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun LALPA a nih ti hrieng in tih, a chunga in chiernahai chu LALPA chun a hriet sih a: keini chu ieng am kan nih a? In chierna chu keini chungah ni loin LALPA chungah a ni lem in sawnnaw,” a tih a.

FESUOKNA 23:21

Ama chu pawisa unla, a râwl chu ngai unla, suklungsen naw ro; ka hming chu amaa chun a um a, in bawsietnahai chu a ngaidam naw ding cheu a ni sih a.

FESUOKNA 32:8

an kuoma thu ka pêka inthawk chun an pêt hmang nghâl el tah a; bâwngte lim sung an insiemfâwm a, an biek a, a kuomah an inthâwi a, ‘Aw Israel, Aigupta rama inthawka ṭhuoi suoktu che i pathien a ni hi,’ an tih a,” tiin.

ISAI 1:2

Aw vânhai, ngai unla, aw lei- hnuoi, na sit rawh, LALPA chun thu a hril ie: “Nauhai chu ka châwm puitling a, ka chungah an hel ta sih a.

ISAI 63:11

Chuong lai chun a mihai chun, Mosie tienlai nihai chu an hriet zing a, hieng ang hin an tih, “Tuisuorieta inthawka a berâm ruol vêngtuhai leh anni hang ṭhuoitu kha khâwlai am? A thlarau inthieng anni laia sietu kha khâw lai am?

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

JEREMIA 21:5

Keima ngeiin bân phar le kut hrât- in, lunginsenna le, ṭitumna le nasa- taka lunginthakna leh do ka ti cheh a.

JEREMIA 30:14

Nangma hmangaituhai po po che hlaka an theinghil cheh a; an zawng ta naw cheh a: mi rilo hremna le hmêlma inhliemna chun kân hliem si cheh a, i suolnahai an pung pei lei chun i khawhlona chu a nasa hle sih a.

JEREMIA 32:30

An naupang laia inthawk tah Juda thlahai le Israel thlahai hin ka mithmuah thil suol chu an lo thaw hlak sih a; Israel thlahai chun an kut sinthawhai chun an mi lo suklungsen sih a, LALPA chun a tih.

ṬAP HLA 1:18

LALPA chu a fel a nih; a thupêk dodâlin ka hel sih a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâl- hai chu salah an fe tah a.

ṬAP HLA 1:20

Ngai ta, aw LALPA, rimsiin ka um hi; ka phîng chu a buoi a; Ka lung chu ka sûnga chun ân her a, khawhlotakin ka lo hel ta sih a; Kawtthlêra chun kâwlhnâm chun a sukfahrah a, ina chun thina a um a.

EZEKIEL 16:43

I tleirâwl lai nihai kha i hriet zing ta nawh a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa PATHIEN chun a tih; chun, pawrchenahai po po belsain hi khawhlona hi thaw ta naw ti nih.

EZEKIEL 2:3

Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.

EZEKIEL 2:7

Chun, an lo ngai khawma, an lo ngaisak naw khawma, an kuoma chun ka thuhai chu hril hrim hrim i ta; hel hmangtak el an ni sih a.

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe nawh a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kâng- hmang dingin ka lunginsenna chu an chungah ka bunthlâk ding a nih ka ti tah a.

EZEKIEL 20:21

Nisienlakhawm, chuong thlahai chu ka chungah an hel ta rawp a, ka thuruothai chu an hraw nawh a, ka rorêlhai khawm chu thaw dingin an zâwm bawk nawh a; chuong chu miin a thaw chun chuonga chun hring a tih; ka châwlni khawm an sukpawr- cheh a; chun, kei chun thlalêra an chunga ka lunginsenna chu sukpui- tling dingin an chunga chun ka lunginsenna chu ka bunthlâk ding a nih ka tih a.

EZEKIEL 20:8

Nisienlakhawm, ka chungah an hel a, ka thu an ngai nawh a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk nawh a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bun- thlâk ding a nih,’ ka tih a;

EZEKIEL 6:9

Chun, nangni laia chuonga suok- hai chun, hnamhai sala ṭhuoia an umnahai laia an um lai chun mi hre zing an ta, an lungril keimaa in- thawka ṭhea um tah, châkna chu ka lo sukkawi ta zie hai le, an mithai an milimhai châktaka an enna le chun; chun, anni an tirdakumna po poa an lo thaw tah, thil ṭha naw ta ding chun an mithmu ngeia chun intirdak an tih.

MATTHAI 22:7

Chuongchun, lal chu a lunginsen tah a; a sipaihai a tir a, chuong tuolthathai chu a sukbo a, an khuo khawm a rawpêk tah a.

THILTHAWHAI 7:42

Chuongchun, Pathienin a nghat san a, vâna arasihai chibai an bûk theina dingin anni a ensan tah a; Zâwlnei Lekhabua, ‘Israel chihai, thlalêra khan kum sâwmli sûngin, Sa that le ran thatin kei in mi biek am a nih?

THILTHAWHAI 7:51

“Mi kâwmawhai, lungril le na tan nawhai, kumkhuoin Thlarau Inthieng hi in kal rawp el; in thlatuhai thaw ang pei khan in thaw hlak.

EPHESI 4:30

Chun, Pathien Thlarau In- thieng chu suklungngai naw ro, in- tlanna nia dingin amaa chun inchika in um kha.

DÂN PAHNINA 1:26

Nisienlakhawm, in hang fe nuom nawh a, LALPA in Pathien thupêk chu in helsan a;

DÂN PAHNINA 9:7

“Thlalêra LALPA lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin LALPA chunga helhmang in na.

JOSUA 22:15

Chun, Reuben thlahai le Gad thlahai le Manasse hnam zâtvehai kuoma chun Gilead ramah an hang fe tah a,