ISAI 62:8 - Pathien Lekhabu Inthieng (BSI)

⁸ LALPA chu a changtieng le a bân hrâttak sâlin ṭawng ân khâm tah a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 62:8 ပူးပေါင်းရင်းမြစ်များ

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok tah a, hung kîr nâwk ta naw nih.

ISAI 54:9

Chu chu ka ta dingin Noa tuihai ang kha a ni sih a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.

ISAI 55:2

Bu ni si loah ieng dinga tangka in sêng am a na? Khawp le tlaina ni si loah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a tih a; chuleiin, ama bân ngei chun san- damna ân siempêk a, ama felna ngei chun ama le ama ân chelngîr tah a.

JEREMIA 31:5

Samaria tlâng chungahai chun grêp huonhai chu siem nâwk i ta; a phuntuhai chun phun an ta, a ra chu chên an tih.

JEREMIA 5:17

Anni chun i lohma suok le i bu fâng an ta, i naupasalhai le i naunu- hmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

EZEKIEL 20:5

an kuoma chun, Lalpa PATHIEN chun hieng hin a tih; ‘Israel hi ka thlang a, Jakob sûngkaw thlahai chunga chun ka bân ka phar a, Aigupta ramah anni laia kân suk- hmêlhriet nia chun; ka bân ka phar a, LALPA in Pathien ka nih,’ tiin;

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

DÂN PAHNINA 28:30

Nuhmei huol in ta, mi dangin zâlpui an tih; in bâwl in ta, hluo hlak hluo naw ti niu; grêp huon siem in ta, a ra chu sawr naw ti niu.

DÂN PAHNINA 28:31

In mithmuah in bâwngchalhai chu that nîng an ta, a sa chu fa naw ti niu; in sabengtunghai chu la luipêk an ti cheu a, pe nâwk naw ni hai cheu; in berâmhai khawm chu in hmêl- mahai pêk nîng an tih; santu ding cheu tukhawm nei naw ti niu.

DÂN PAHNINA 28:33

In hnuoi râhai le in sin inrim râhai chu hnam in ihriet ngai loin fa zo an tih, nêksâwr ding le suknawm- nat ding chau ni zawmzat in tih,

DÂN PAHNINA 32:40

Vân tieng ka kut ka phar a, Ka hringna sâlin ka hril a,