ISAI 62:6 - Pathien Lekhabu Inthieng (BSI)

⁶ Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni LALPA hrietpuitua umhai, um ṭawk ṭawk dêr naw ro,

ISAI 62:6 ပူးပေါင်းရင်းမြစ်များ

INṬANNA 32:12

Nangin, ‘Siem ṭha ngei ngei ka ti cheh a, i thlahai chu tuisuorieta phaiphin tiem sênglo khawp raua tam angin siem ka ti che,’ i ti sih a,” a tih a.

INṬANNA 32:26

Chun, mi chun, “Mîn thla rawh, khawfing khawm a chat ding a ni ta hi,” a tih a. Jakob chun, “Mal i mi sâwm naw chun inthla naw ning che,” a tih a.

2 CHANCHIN SUINA 8:14

Chun, a pa Davidin a lo sukdet ta angin, an rawngbâwlna dingin thiempuhai pâwl hun chu a ruotpêk a; chun, Levi mihai khawm chu sin tuk an nina, inpâk ding le thiempu- hai hmaa rawngbâwl dingin, ni tina a ṭûl ang peia an bituk angin a ruot bawk a; dai kawtkhâr tinahai chun kawtkhâr vêngtuhai chu an pâwl hun ang peiin, chuong ang chun Pathien mi David chun thu a lo pêk ta sih a.

INPÂKNA HLABU 122:7

I kul sûnga chun thlamuongna um sienla, I lal inhaia chun thawvengna um raw se.

INPÂKNA HLABU 74:18

Aw LALPA, hi hi hre zing rawh, dotu chun a hrilsiet cheh a. Hnam invêttak chun i hming an hrilsiet kha.

INPÂKNA HLABU 74:2

I mihai inkhâwmhai, inhmaha i închâwk, Hnam i ro dinga i întlan kha, hre zing rawh; I umna hlak Zion tlâng leh.

HLAHAI HLA 3:3

Vêngtu khawpui fang vêltuhai chun an mi hmuh a, An kuoma chun, “Ka thlain a hmangai kha in lo hmu am?” ka tih a.

HLAHAI HLA 5:7

Vêngtuhai khawpuia fe vêlhai chun an mi hmuh a, An mi vuok a, an mi sukhliem a; Kul vêngtuhai chun ka puon lukhum an mi lâkpêk a.

ISAI 43:26

Mi hrietpui ta u, ngaituo hmun- khat ei tiu; thiem inchangtira in um theina dingin in thu chu hril ro.

ISAI 49:16

En ta, ka kutphaahai hin ka ziek che hi, i kul banghai chu ka hmaah a um zing a nih.

ISAI 52:8

Ngai rawh, i râl vêngtuhai râwl chu! Râwl an insuoh a, hlimtakin hla an sak tâwl chu, LALPA chu Ziona a hung kîr nâwk pha chun inhmatuok- in an hmu ding a ni sih a.

ISAI 56:10

A râl vêngtuhai chu an mit ân del a, hrietna nei naw ruok an na; ui râwl nei lo ruok an na, an inngak thei nawh; mang nei a, zâl zing a, imu hêmi an nih.

ISAI 62:1

A felna chu varna anga ân suoh a, ama sandamna chu khâwnvar chawk anga ân suo hma- khat chun, Zion leiin to zing naw ningah a, Jerusalem leiin um ṭawk ṭawk naw ningah.

JEREMIA 14:21

Nangma hming leiin keini chu mi hmusit naw la, i ropuina lalṭhung- pha chu sukhmaimâwk naw rawh; keini le i thuthlung kha hre zing la, sukse naw rawh.

JEREMIA 6:17

nisienlakhawm, “Chu chu hraw naw ning ungah,” an tih a. Chun, in chunga chun vêngtu ka sieh a, “Taw- tawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an tih a.

ṬAP HLA 5:1

Aw LALPA, kan chunga thil hung tlung hi hre zing rawh; Ngai la, kan muolphona hi en ta.

ṬAP HLA 5:20

Iengdinga keini mi theinghil kumkhuoin, Chuong chen lâwm lâwm iengdinga mi nghatsan el am i na?

LUKA 18:39

Chun, a hmasahai chun to dingin an hal a; nisienlakhawm, ama chu, “David Naupa, mi lunginsiet rawh,” tiin a khêk zuol det a.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:4

Chun, Korneli chun ama chu a lo en zing a, a ṭih a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

1 KORINTH 12:28

Chun, Pathienin ṭhenkhat chu kohran lai a sieh a, pakhatnaa chun tirkohai, a pahninaa chun thuhriltu- hai, a pathumnaa chun inchûktir- tuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

1 THESSALONIKA 5:17

ma loin ṭawngṭai unla,

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril loa, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni sih a.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl loa hnuoia umhai chunga kan thisen insuona phuba chu la loa i um ding?” tiin an khêk a.