ISAI 62:5 - Pathien Lekhabu Inthieng (BSI)

⁵ Tlangvâlin nunghâk nuhmeia an nei hlak ang hin i naupasalhaiin nu- hmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

ISAI 62:5 ပူးပေါင်းရင်းမြစ်များ

HLAHAI HLA 3:11

Aw nangni Zion naunuhai, fe suok unla, lal Solomon chu en ro, Nuhmei a nei nia le a lungril a hlim nia a nuin lallukhum ân khumtir kha.

HLAHAI HLA 4:8

Lebanona inthawkin mi hung zui la, ka mo, Lebanona inthawkin kei leh. Amana sîpa inthawk chun zuk en la, Senir le Hermon sîpa inthawk dâm chun, Sakeibaknei pûka inthawk dâm le Keitêhai tlânga inthawk dâm chun.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti cheh a, i ram khawm chu “Beula” ti bawk an tih, LALPA i chungah a lâwm sih a, i ram khawm- in pasal a nei ding a nih.

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw nih a, inrûm ri khawm hriet ni ta naw ni;.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

HOSEA 2:19

Kumkhawtluongin ka ta dingin huol tlat ka ti cheh a, felna dâm, rorêlna dâm, lunginsietna dâm, lai- natna dâmin ka ta dingin huol ka ti che.

HOSEA 2:21

Chu ni chun, LALPA chun a tih, Vânhai bieng ka ta, annin hnuoi bieng an tih;

ZEPHANIA 3:17

LALPA i Pathien thilthawthei- tak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

MALAKI 3:12

Chun, hnam tinhai chun vâng- nei tîng an ti cheu a, ram hlimumtak a hung ni ta ding a ni sih a, sipaihai LALPA chun a tih.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.