ISAI 62:2 - Pathien Lekhabu Inthieng (BSI)

² Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun, hming thar, LALPA bauin ân put ding chun ko an ti che.

ISAI 62:2 ပူးပေါင်းရင်းမြစ်များ

INṬANNA 17:15

Chun, Pathien bawkin Abra- ham kuomah, “I nuhmei Sarai chu a hmingah Sarai ti ta naw ti nih a, a hming chu Sara ti ni ta lem a tih.

INṬANNA 17:5

I hming khawm Abram ni ta naw nih a, i hming chu Abraham ni ta lem a tih, chi tamtak thlatu dingin ka siem ta che hi.

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i thawh a, i hne ta sih a,” a tih a.

INPÂKNA HLABU 98:2

LALPA chun a sandamna chu ân hriettir a, A felna chu hnam tin mithmua chun chiengtakin ân langtir tah.

ISAI 1:26

chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti cheh a; i kea pilvut chu liek an tih; chuongchun, kei hi LALPA ka ni hung hre el i tih; a mi nghâktuhai chu muolphoin um naw ni hai.

ISAI 49:6

ama chun, “Jakobhai hnam tung- dingna ding le Israelhai laia hum- hima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwl- kawdawng chena ka sandamna chu a tlung theina dingin,” a ta.

ISAI 52:10

LALPA chun hnam tinrênghai mithmua chun a bân inthieng chu a hlîm tah; chuongchun, kâwlkaw- dawnga mi po poin ei Pathien san- damna chu hmûng an tih.

ISAI 56:5

an kuomah ka in sûnga le ka kul sûnghaia chun naupasalhai le naunu- hmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

ISAI 60:11

I kawtkhârhai khawm hawngin um zing a ta; asûn azânin khâr ni naw nih; mihaiin hnam tin sum chu i kuomah an hung lâk a; an lalhai khawm an hung ṭhuoi ve theina dingin.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei LALPA hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, LALPA Pathien chun felna le inpâkna hnam tinrêng hmaa chun ân dertir ding a ni sih a.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun LALPA malsâwm chi an nih ti hrieng an tih.

ISAI 62:12

Chuongchun, anni chu Mi Inthienghai, LALPA intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a tih a.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti cheh a, i ram khawm chu “Beula” ti bawk an tih, LALPA i chungah a lâwm sih a, i ram khawm- in pasal a nei ding a nih.

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa PATHIEN chun sukhlum a ti cheu a, chun, a siehlawhai chu hming dangin ko tâng a tih;

ISAI 66:11

in nêk, a thlamuongna nêneahai chun in tlai theina ding le, in nêk daa, a ropuina tamtaka chun in lâwm theina dingin,” ti hi.

ISAI 66:12

LALPA chun hieng ang hin a ti sih a, “Ngai ta u, inremna chu va- dungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah--Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lo a ka ropuina la hmu ngai lohai kuoma chun -- tir ka tih; chuongchun, hnam tin lai chun ka ropuina thu hril an tih.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘LALPA chu ei felna a nih,’ ti hi koa a umna ding hming chu ni ta bawk a tih.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

MIKA 5:8

Jakob mi hlâbîkhai chu hnamhai laia le chi tamtakhai laia chun ram- hnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

THILTHAWHAI 11:26

Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.

THILTHAWHAI 26:23

khânga Krista chun rinum tuor a ta; chun, mithi laia inthawka a thonâwk leiin mi po po kuoma le Jentailhai kuoma khawm var inhmutirtu hmasatak nîng a tih, an ti thu kha,” a ta.

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel thlahai kuoma ka hming put lûtna dinga ka bêl ruot a nih.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlângin- sampui a ni kha; kei Paula hi, chu rawngbâwltua siem chu ka nih.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.

THUPUONGSUO 3:12

A hnetu taphawt chu ka Pathien biekina chun banah siem ka ta, chutaka inthawk chun suok ta naw ni; chun, amaa chun ka Pathien hming leh, ka Pathien khuo Jerusalem Thar, ka Pathien kuoma mi vâna inthawka hung ṭum ding hming leh, ka hming thar leh ziek ka tih.