ISAI 61:8 - Pathien Lekhabu Inthieng (BSI)

⁸ Kei LALPA hin rorêlna fel ka ngaina hlak sih a, khawhlotaka inram el hi ka theida hlak a, chuong- chun, anni ka thungna chu titak- meuin an kuomah pêng ka tih, an kuomah kumkhaw thu thlung bawk ka tih.

ISAI 61:8 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

2 SAMUEL 23:5

Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

INPÂKNA HLABU 105:10

Chu ma chu thuruot ni dingin Jakob kuomah a sukdet a, Israel kuoma kumkhawtluong thuthlung dingin;

INPÂKNA HLABU 11:7

LALPA chu a fel sih a, felna hi a ngaina hlak, Mi indiktakhai chun a hmêl la hmûng an tih.

INPÂKNA HLABU 32:8

I fena ding lampui chu inchûk- tirin, kâwkhmûng ka ti cheh a, Ka mita en zing pum chein rem ruotpêk ka ti che.

INPÂKNA HLABU 33:5

Felna le rorêlna fel hi a ngaina hlak a; Leihnuoi hi LALPA ngilneinain a sip a.

INPÂKNA HLABU 37:28

LALPA chun rorêlna fel a ngaina sih a, A mi inthienghai chu a fesan ngai nawh a. Kumkhuoha dinga vawngṭhatin an um hlak a, Mi rilo thlahai ruok chu sukbohmangin um an tih.

INPÂKNA HLABU 45:7

Felna chu i ngainah a, rîtlona chu i theida kha; Chuleiin, Pathien, i Pathien chun i ruolhai nêka nasain, Hlimna hriek a nâl ta che hi.

INPÂKNA HLABU 50:5

“Ka mi inthienghai, ka kuomah hung ṭhuoi khâwm ro, Ran thata inthâwia ka kuoma thu thlungtuhai chu,” tiin.

INPÂKNA HLABU 62:10

Nêksâwrna hi ring naw unla, Inrûkhmang hi sawngah nei bawk naw unla, Hausakna hung pung sien khawm, a chunga chun in lungril innghat bawk naw ro.

INPÂKNA HLABU 99:4

Laltak hrâtna chun rorêlna a ngainah a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

THUVARHAI 8:20

Felna lampuia chun ka feh a, Rorêlna lampuitakhaia chun.

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 5:16

sipaihai LALPA ruok chu rorêl- naa chawisângin a um ta lem a, Pathien, Mi Inthieng chu felnaa suk- thiengin a um tah a.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 56:1

LALPA chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta sih a.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, LALPAIN a tih.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thu- thlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JEREMIA 9:24

a suong taphawt chun hi hi suong lem raw se, kei hi LALPA lung- insietna neia, rorêla, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lâwm sih a, LALPA chun a tih.

EZEKIEL 16:60

Nisienlakhawm, i tleirâwl lai nihaia nang le ka thuthlung chu hre zing ka ta; chun, nang le chun cha- tuon thuthlung indin ka tih.

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwt- khum a, sipaihai LALPA chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai LALPA chun a tih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

2 THESSALONIKA 3:5

Chun, Lalpa chun in lungril- hai chu Pathien hmangainaa le, Krista selnaa chun ṭhuoi lût raw se.