ISAI 60:6 - Pathien Lekhabu Inthieng (BSI)

⁶ Sanghâwngsei tamtak el chun tuom dûl dûl an ti che, Midian le Epha rama sanghâwngsei tuoihai chun: chuong po pohai chu Seba rama inthawkin hung an tih; rângkachak le beraw hung phur an ta, LALPA inpâkna thu inhriettir an tih.

ISAI 60:6 ပူးပေါင်းရင်းမြစ်များ

INṬANNA 10:7

Kush naupasalhai chu Seba, Havila, Sabta, Raama le Sabteka hai an nih. Raama naupasalhai chu Sheba le Dedan an nih.

INṬANNA 25:13

Hieng hi an pieng dân indawt ang peia Ismael naupasalhai hming chu a nih: Ismael nau lutîr chu Nebaioth a nih, chu dawta chun Kedar, Adbeel, Mibsam,

1 LALHAI 10:2

Chun, Jerusalem khuoah, hnung zuitu tamtak ṭhuoiin, thil rim inhnik le rângkachak tamtak le lunghluhai phur sanghâwngseihai ṭhuoiin a feh a; chun, Solomon kuom a tlung chun a lungrila a thu pai po po chu phawr fai rêtin ama a biek a.

2 LALHAI 8:9

Chuongchun, Hazael chu ama be ding chun a va feh a, lâwmman dingin Damaska khuoa thil ṭha tinrêng sanghâwngsei sâwmli phur a chawi a, a hmaa chun a va ngîr a, “I naupa Benhadad, Suria lalin, ‘Ka na hi ka ṭha suok nâwk ding am?’ ti dingin i kuoma hin a mi hung tir a nih,” a ta.

1 CHANCHIN SUINA 1:33

Chun, Midian naupasalhai chu; Epha, Epher, Hanok, Abida, Eldaa an nih. Hieng po po hi Ketura naupa- salhai chu an nih.

2 CHANCHIN SUINA 9:1

Seba lalnu chun Solomon chan- chin chu a lo hrietin, indawnna intak takhai le Solomon chu fie dingin rawi nasatak leh; sanghâwng- sei, riminhnik le rângkachak tamtak le lunghluhai phurtuhai le chun Jerusalema chun a hung a; chun, Solomon kuom a hung tlung chun, a lungrila umhai po po thua chun ama chu ân biekpui tah a.

INPÂKNA HLABU 67:4

Aw, hnam tin chu lâwmtaka umin, hlimin hla sak raw se. Nangin mi tin chu thlierbîk nei loa ro rêlpêkin: Hnuoi chunga hnam tin chu i awp ding a ni sih a.

INPÂKNA HLABU 72:10

Tarsis ram le thlierkâra lalhaiin lâwmman hung chawi an ta, Seba le Sheba ram lalhaiin thilpêk hung inhlân bawk an tih.

INPÂKNA HLABU 72:15

Chun, hring an ta, Sheba ram rângkachak chu a kuoma pêk nîng a tih, Mihaiin ama chu ṭawngṭâipêk rawp an ta, Sûnnithlâkin mal sâwmpêk an tih.

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.

ISAI 45:14

LALPA chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 60:9

Ama chun a chawimawi che leiin LALPA i Pathien hming ta ding le Israelhai Mi Inthieng ta ding chun i naupasalhai an tangka le rângka- chak leh hlataka inthawka ṭhuoi dingin matheiloin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 61:6

Nangni ruok chu, “LALPA thiem- puhai,” tia inbûkin um in tih: mihaiin, “Ei Pathien rawngbâwl- tuhai,” tîng an ti cheu a; hnam tin sum fâng in ta, an ropuina chu insuong phâng in tih.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlân- hai chu pawm a ni nawh a, in in- thâwinahai khawm chu ka ta dingin lâwmum a ni nawh.

EZEKIEL 27:22

Seba le Raama sumdâwngtuhai chu i sumdâwngtuhai an na; i thuom- hnaw dingin rângkachak dâm, lung hluhai po po dâmin, riminhnik bîk taktakhai dâmin an sumdâwng a.

ZEPHANIA 3:10

Ethiopia vadunghai khêla in- thawk chun ka riminhnik rawtuhai, ka hnawtdarhai naunuhmeihai ngei chun, ka thil inhlânhai chu hung chawi an ta.

ZEKARIA 14:16

Chun, Jerusalem hung thawtu hnam po pohaia a la um sunhai chu kum tin tinin laltak, sipaihai LALPA chu be ding le, Bâwkte ruoiṭhe chu nei dingin hang fe rawp hlak an tih.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

MATTHAI 2:11

In sûngah an va lût a, a nu Mari kuoma nautê chu an hmuh a, an bawkkhup a, chibai an bûk a. Chun, an ro bâwmhai an hawng a, a kuomah lâwmna — rângkachak dâm, beraw dâm, murra dâm an pêk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:9

lunginsietna leia Jentailhaiin Pathien an chawimawi theina dingin; “Chuleiin, Jentailhai lai chun, Inpâk ka ti cheh a, I hming chawimawina dingin Hla sak ka tih,” tia ziek ang khan,

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”

PHILIPPI 2:17

Anih, in ringna inthâwina le rawngbâwlna chunga chun bun- thlâka um ding ni lang khawm ka lâwm a nih, in rêngin ka lâwmpui bawk cheu a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.

RORELTUHAI 6:5

An ranruolhai le an puon inhai leh an hung inthawk a, khâu ang elin tamtakin an hung inthawk hlak sih a; anni le an sanghâwngseihai chu tiem sêng khawm an ni nawh; an hunga ram chu an suksiet hlak a nih.

RORELTUHAI 7:12

Chun, Midianhai le Amalekhai le khawsak nauhai po po ruoma chun khâu ang elin tamtak an lo um hmur el a; an sanghâwngseihai chu tiem sêng ruollo, an tam tieng chu tui- suoriet kama phaiphin zât zet an nih.