ISAI 60:20 - Pathien Lekhabu Inthieng (BSI)

²⁰ I nisa chu tla ta naw nih a, i thla khawm chu bo ta bawk naw nih: LALPA chu i kumkhaw var a ni ding a ni sih a, i lusûn nihai chu a tâwp ta ding a ni sih a.

ISAI 60:20 ပူးပေါင်းရင်းမြစ်များ

INPÂKNA HLABU 27:1

LALPA chu ka var le ka sandamna a nih, tu am ṭîng ka ta? LALPA chu ka hringna kulbîng a nih; tu am ṭîng ka ta?

INPÂKNA HLABU 84:11

LALPA Pathien chu nisa le phaw a ni sih a, LALPA chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

ISAI 24:23

Chu hnunga chun thla khi inzaktakin um a ta, nisa khi muol- photakin um a tih; sipaihai LALPA chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni sih a.

ISAI 25:8

Thina chu a lem sawng tah; Lalpa PATHIEN chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; LALPAIN chu chu a hril ta sih a.

ISAI 30:19

Mihai chu Jerusalema Ziona chun an um ding a ni sih a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

ISAI 30:26

Chu naw khawm chu, LALPA chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 51:11

Chun, LALPA intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 60:1

Tho la, var rawh, i var chu a hung tlung a; LALPA ropuina chu i chungah a hung suok ta hi.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw nih a, inrûm ri khawm hriet ni ta naw ni;.

JEREMIA 31:12

Chun, hung an ta, Zion tlâng insângna laiahai chun hla hung sak an ta; LALPA ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

ṬAP HLA 5:21

Aw LALPA, i kuom tieng mîn nghat kîrtir nâwk la, hung ngha kîr el kan tih, Tienlai hun ang khan kan nihai hung sukthar rawh!

AMOS 8:9

Chun, Lalpa PATHIEN chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

ZEKARIA 14:7

amiruokchu, ni khat, LALPA ihriet chu um a tih; sûn khawm ni naw nih a, zân khawm ni naw bawk a tih, amiruokchu, zântieng huna hin var chu hung um a tih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

THUPUONGSUO 21:23

Chu khuo chun a ên dingin nisa a ngai nawh a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni sih a.

THUPUONGSUO 21:4

An mita inthawkin mitthli po po hrufai a ta; Thina um nâwk ta naw nih a, Lungngai dâm, ṭap dâm, nat dâm khawm, Um nâwk ta bawk naw nih a; Thil hmasahai chu a bo tah,” tiin.