ISAI 60:2 - Pathien Lekhabu Inthieng (BSI)

² Ngai ta, inthimin leihnuoi hi ân khum ding a ni sih a, inthim sâmupin mihai ân khum bawk ding a nih: nisienlakhawm, LALPA chu i chung- ah hung suok a ta, a ropuina chu i chungah lân lang a tih.

ISAI 60:2 ပူးပေါင်းရင်းမြစ်များ

1 LALHAI 8:11

chuongchun, sûm lei chun thiempuhai chu rawngbâwlin an um thei ta naw hiel a, LALPA ropuinain LALPA in chu a suksip vawng ta sih a.

INPÂKNA HLABU 102:16

LALPA chun Zion khuo chu ân ngîr nâwk ta sih a, A ropuinaa inthuomin ân lang tah.

INPÂKNA HLABU 80:1

Aw Israelhai vêngtu, Berâm pâwl anga Josefhai ṭhuoitu, na lo sit rawh aw; Nang cherubhai chunga ṭhung chu, hung var suok rawh.

ISAI 2:5

Aw Jakob sûnghai, hung unla, LALPA vara hin lêng ei tiu khai.

ISAI 4:5

Chun, LALPAIN Zion tlânga um- na po po chunga le a inkhâwmpuihai chunga chun sûnah sûm le meikhu, zânah meichawk var siempêk a tih: ropuina po po chunga chun iengkhat zar a um ding a ni sih a.

ISAI 58:10

phîngṭâmhai kuoma i dit zâwng pe a, sukrinuma umhai i suktlai bawk chun, i var chu inthim lai chun var suok a ta, în thimna chu sûn ang el ni tâng a tih.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; LALPA ropuina chu i hnung dâltu nîng a tih.

ISAI 62:1

A felna chu varna anga ân suoh a, ama sandamna chu khâwnvar chawk anga ân suo hma- khat chun, Zion leiin to zing naw ningah a, Jerusalem leiin um ṭawk ṭawk naw ningah.

ISAI 66:11

in nêk, a thlamuongna nêneahai chun in tlai theina ding le, in nêk daa, a ropuina tamtaka chun in lâwm theina dingin,” ti hi.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin LALPA in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem tah a.

EZEKIEL 10:4

Chun, cheruba inthawk chun LALPA ropuina chu a tungin a kai a; in kawtkhâr bula chun a ngîr tah a; chun, in chu sûmin a hung sip a, tuollai chu LALPA ropuina var chun a hung sip tah a.

LEVI DÂN 9:23

Chun, Mosie le Aron chu in- tuokna puon ina chun an va lût a; an hung suok nâwk a, mipuihai chu mal an sâwm a; chun, LALPA ropuina chu mi po po chunga chun a hung inlang tah a.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

NAMBAR 16:19

Chun, Kora chun mipui po po chu anni kalin intuokna puon in kawtkhâra chun ân umkhâwmtir a; chun, mipuihai po po chunga chun LALPA ropuina a hung inlang a.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 23:19

Nangni mitdelhai! A ieng am a ropui lem a, thilpêk am, mâichâm thilpêk sukthiengtu chu?

MATTHAI 23:24

Nangni ṭhuoitu mitdel, thosi thlitfaia sanghâwngsei lem si hlak- hai!

JOHAN 1:1

A tîrin thu a um, Thu chu Pathien kuomah a um, Thu chu Pathien a nih.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 8:55

nangnîn ama in hriet si nawh; kei ruok chun ama ka hriet; ‘Ama ka hriet nawh,’ ti lang nangni anga khêlhlip bawk nîng ka tih; chuong- chun, ama ka hriet a, a thu khawm ka zâwm hlak.

THILTHAWHAI 14:16

Chu Pathien chun, tienlaiin hnam tin mâni lampui seng hraw a phal hlak a.

THILTHAWHAI 17:23

Ka lêng malama, chibai in ibûkhai ka en laiin, mâichâm pakhat, a chungah, ‘HRIET NAW PATHIEN TA DING,’ tia ziek ka hmu a nih. Chuongchun, hre loa chibai in ibûk hlak kha, ama thu chu ka hril cheu a ni hi.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

2 KORINTH 3:18

Chuongchun, keini chu kan rêngin hmai inkhum loin, hlimen anga Lalpa ropuina sunvarin, ropui- naa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawk- a kan hmu ang peiin.

KOLOSSA 1:13

Ama chun inthim thuneinaa in- thawka mi sansuokin, a Naupa hmangaitak rama chun a mîn kai tir tah a,

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.