ISAI 60:18 - Pathien Lekhabu Inthieng (BSI)

¹⁸ Nunsetaka thil thaw ri chu i ramah hriet ni ta naw nih a, râusan- na le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawt- khârhai khawm, “Inpâkna” ti bawk i tih.

ISAI 60:18 ပူးပေါင်းရင်းမြစ်များ

2 SAMUEL 7:10

Chun, ka mi Israelhai ta dingin hmun ruot ka ta, anni ngei puol hmuna an um a, an insawn ta nawna dingin anni chu phun ka ta, kha hma ang khan mi rilohaiin sukrimsi ta naw ni hai a;

INPÂKNA HLABU 147:14

I ramri sûnga chun inremna a siem a, Bu ṭhatak chiin a suksip hlak che a nih.

ISAI 11:9

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw nih a, indo dân khawm inchûk ta bawk naw ni hai.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 51:19

Hieng thil pahni hin a bur ta che hi; tuin am a ṭhangpui ding che a na? Rausanna le sietna dâm, ṭâm le kâwlhnâm dâm hin; iengtin am thlamuon ka ti cheh a?

ISAI 54:14

Felnaa sukdetin um i ta, nêk- sâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 56:5

an kuomah ka in sûnga le ka kul sûnghaia chun naupasalhai le naunu- hmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

ISAI 60:11

I kawtkhârhai khawm hawngin um zing a ta; asûn azânin khâr ni naw nih; mihaiin hnam tin sum chu i kuomah an hung lâk a; an lalhai khawm an hung ṭhuoi ve theina dingin.

ISAI 60:17

Dâr aiah rângkachak hung lâng ka ta, thîr aia khawm tangka hung lâng ka tih, thing aia khawm dâr, lung aia khawm thîr; lungmuongna chu i hotuah ruot bawk ka tih; felna chu nangma phûttuah ruot ka tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, LALPA Pathien chun felna le inpâkna hnam tinrêng hmaa chun ân dertir ding a ni sih a.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti cheh a, i ram khawm chu “Beula” ti bawk an tih, LALPA i chungah a lâwm sih a, i ram khawm- in pasal a nei ding a nih.

ISAI 62:7

ama khawm chu inumtir ṭawk ṭawk naw ro: Jerusalem hi a sukdet a, hnuoia hin inpâkuma a siem hmakhat chun.

EZEKIEL 42:20

A sîr lia chun ân khi tah a, a sei tieng chu za nga, a khang tieng khawm za nga bawk, a vêlin bang a nei a, hmun narân le hmun inthieng chu ṭhena dingin.

MIKA 4:3

Ama chun chi tamtak kârah ro rêl a ta, hlataka hnam hrâttak khawm chu kâwk a tih; chun, an kâwlhnâm- hai chu hnuoi inletna hmawr zum- haiah sut an ta, an feihai chu thei kûng ât bawngna chem inkuoihaiah sut an tih; hnam dangin hnam dang chungah kâwlhnâm inlet ta naw nih a, indo dân khawm inchûk ta naw bawk an tih.

ZEPHANIA 3:19

Ngai ta, chu pha chun nangma sukrimsituhai che chu keiin sawisâng ka ta: A ngîr chu sandam ka ta, hnawt hmanga um chu kei khâwm ka tih; Hnuoi chung po poa an hmaimâwkna lo um ta chu, Hming le inpâkna siempêk ka tih.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni sih a, LALPA chun a tih,” a ta.

ZEKARIA 2:9

Ngai ta u, anni chunga chun ka kut chu thin ka ta, chuongchun, anni rawng bâwlpêktuhai ta dingin râllâk sum hung ni tâng an tih; chun, sipaihai LALPA chun kei a mi tir a nih ti hre tâng in tih.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta sih a.