ISAI 60:16 - Pathien Lekhabu Inthieng (BSI)

¹⁶ Chun, hnam tin nênetui fâwp i ta, lalhai nêne khawm nêng i tih; kei LALPA hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ISAI 60:16 ပူးပေါင်းရင်းမြစ်များ

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rik- phurna hnuoia inthawka la suoktu cheu, in Pathien LALPA ka nih ti hre tâng in tih.

ISAI 1:24

Chuleiin, LALPA, Sipaihai LALPA, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêl- mahai chungah phuba lâng ka tih:

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui sih a,” tiin.

ISAI 19:20

Chu chu Aigupta rama sipaihai LALPA ta ding chun inchikna le hrietna nîng a tih, nêksâwrtuhai leiin LALPA chu an la ko ding a ni sih a; chuongchun, ama chun sandamtu le humhimtu tir a ta, ama chun annirawi chu sansuok a tih.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu in- chûktir tâng an tih,” tiin.

ISAI 33:22

LALPA chu ei rorêltu a na, LALPA chu dân mi petu a nih; LALPA chu ei lal a na, ama chun mi sandam a tih.

ISAI 43:11

Kei, keima ngei hi, LALPA chu ka nih; keima naw chu sandamtu hrim hrim an um nawh.

ISAI 45:15

Aw Israelhai Pathien, Sandam- tu, Pathien inthup hlak chu i ni ngei el.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei LALPA hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti cheh a; i kea pilvut chu liek an tih; chuongchun, kei hi LALPA ka ni hung hre el i tih; a mi nghâktuhai chu muolphoin um naw ni hai.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei LALPA hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’” tiin.

ISAI 52:6

Chuleiin, ka mihai chun ka hming hrieng an tih; ngai ta, keima hi ka nih,” tiin.

ISAI 59:20

“Chun, Ziona chun intlantu hung a ta, Jakobhai laia bawsietna nghatsantuhai kuoma khawm hung a tih,” LALPAIN a tih.

ISAI 60:17

Dâr aiah rângkachak hung lâng ka ta, thîr aia khawm tangka hung lâng ka tih, thing aia khawm dâr, lung aia khawm thîr; lungmuongna chu i hotuah ruot bawk ka tih; felna chu nangma phûttuah ruot ka tih.

ISAI 61:6

Nangni ruok chu, “LALPA thiem- puhai,” tia inbûkin um in tih: mihaiin, “Ei Pathien rawngbâwl- tuhai,” tîng an ti cheu a; hnam tin sum fâng in ta, an ropuina chu insuong phâng in tih.

ISAI 63:16

Abraham chun mi hre loin, Israel khawm chun mi ngaisak naw sien khawm, nang chu ka pa i ni sih a; nang chu, aw LALPA, kan pa i na, i hming chu chatuona inthawka keini mîn tlantu a nih.

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti sih a; chuongchun, anni san- damtuah a hung um tah a.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, LALPA kut chu a siehlawhai tieng a um ti hrieng an ta, a hmêlmahai chunga chun lungni naw ni.

JEREMIA 15:21

Mi rilohai kuta inthawk chun sansuok ka ti cheh a, thil ṭium kuta inthawk chun intlansuok bawk ka ti che.

EZEKIEL 34:30

Chun, kei LALPA an Pathien chu an kuomah ka um a, anni, Israel sûngkuo chu, ka mihai an nih ti hre tâng an tih, Lalpa PATHIEN chun a tih.

THUPUONGSUO 21:24

A vara chun hnam tin um an ta, hnuoia lalhai chun an ropuina la lût an tih.

THUPUONGSUO 21:26

A sûnga chun hnam tin ropuina le chawimawina la lût an tih.