ISAI 60:1 - Pathien Lekhabu Inthieng (BSI)

¹ Tho la, var rawh, i var chu a hung tlung a; LALPA ropuina chu i chungah a hung suok ta hi.

ISAI 60:1 ပူးပေါင်းရင်းမြစ်များ

INPÂKNA HLABU 102:16

LALPA chun Zion khuo chu ân ngîr nâwk ta sih a, A ropuinaa inthuomin ân lang tah.

INPÂKNA HLABU 87:3

Aw Pathien khawpui, I chungchâng thu ropuitakin an hril hlak a nih.

ISAI 2:5

Aw Jakob sûnghai, hung unla, LALPA vara hin lêng ei tiu khai.

ISAI 24:23

Chu hnunga chun thla khi inzaktakin um a ta, nisa khi muol- photakin um a tih; sipaihai LALPA chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni sih a.

ISAI 28:5

Chu nia chun sipaihai LALPA chu, a mi la um sunhai ta dingin ropuina lallukhum dâm, mawina lukhum dâm,

ISAI 35:2

Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; LALPA ropuina hmûng an ta, ei Pathien mawina leh.

ISAI 4:5

Chun, LALPAIN Zion tlânga um- na po po chunga le a inkhâwmpuihai chunga chun sûnah sûm le meikhu, zânah meichawk var siempêk a tih: ropuina po po chunga chun iengkhat zar a um ding a ni sih a.

ISAI 42:6

“Kei LALPA hin felnain ka ko che, i kut chel ka ta, humhim ka ti cheh a, mihai thuthlung ding le, Jentailhai sukvartu dingin ka ruot che a nih:

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; LALPA ropuina chu i hnung dâltu nîng a tih.

ISAI 62:1

A felna chu varna anga ân suoh a, ama sandamna chu khâwnvar chawk anga ân suo hma- khat chun, Zion leiin to zing naw ningah a, Jerusalem leiin um ṭawk ṭawk naw ningah.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun, hming thar, LALPA bauin ân put ding chun ko an ti che.

ISAI 66:11

in nêk, a thlamuongna nêneahai chun in tlai theina ding le, in nêk daa, a ropuina tamtaka chun in lâwm theina dingin,” ti hi.

ISAI 9:2

Mi inthim hnuoia fehai chun var nasatak an hmu tah a; thina hlim rama umhai chunga ngei chun var a hung var tah a.

EZEKIEL 43:4

Chun, dâi kawtkhâr, saktieng nghaa inthawk chun LALPA ropuina chu ina chun a hung lût a;

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 4:16

Inthim hnuoia ṭhunghai chun var nasatak an hmuh a, Thina hmun le a hlima ṭhunghai chunga chun, Var a hung suok tah a,” tia a hril kha a hung tlung theina dingin.

MATTHAI 5:16

Chuong ang bawkin in var chu mi mithmuah var raw se; chuong- chun, in thilthaw ṭhathai hmûng an ta, in Pa vâna mi chawimawi thei an tih.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

JOHAN 1:9

Var indik tak mi tin sukvar hlak kha a um a, khawvêlah a hung zing a nih.

JOHAN 12:46

êntua khawvêla hung ka ni hi, tûkhawm a mi ring taphawt inthima an um zing nawna dingin.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

EPHESI 5:14

suklanga um taphawt chu var a ni sih a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin.Annirawi laia hringna thu in inhlan pha chun, khawvêla hin sukvartu dingin insuklang ro.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um sih a.

THUPUONGSUO 21:11

Pathien ropuina a nei a, a varzie chu lung mantamtak ang, jaspi lung ang el hi a na, krustal lung angin a tle a nih.

THUPUONGSUO 21:23

Chu khuo chun a ên dingin nisa a ngai nawh a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni sih a.

THUPUONGSUO 22:5

Chun, zân um nâwk ta naw nih a; khâwnvar le nisa var ngai naw ni hai a; Lalpa Pathien chun anni a ên ding a ni sih a; chuongchun, chatuonin ro rêl an tih.