ISAI 6:12 - Pathien Lekhabu Inthieng (BSI)

¹² LALPAIN mihai chu hlatakah a sawn a, ram sûnga hmun mâksan hnung tamtak a um hmakhat chun.

ISAI 6:12 ပူးပေါင်းရင်းမြစ်များ

2 LALHAI 25:11

Chun, khawpui sûnga mi la um, inpehai, mipui la umhai chu vêngtu pâwl hotu Nebuzar-adan chun salah a ṭhuoi vawng a.

2 LALHAI 25:21

Chun, Babulon lal chun Ha- math ram, Ribla khuoa chun a lo sukhlum a. Chuongchun, Juda chu a ram sûnga inthawka sala ṭhuoi suokin a lo um tah a.

ISAI 13:12

Mi hi rângkachak inthieng nêk khawma vâng lemin siem ka ta, mihriem ngei hi Ophir rângkachak inthieng nêk khawma vâng lemin siem ka tih.

ISAI 26:15

Hi hnam hi i sukpung tah a, aw LALPA, hi hnam hi i sukpung tah; nang chu chawimawiin i um tah a, hi ram hi a ramri po po chu i suklien tah.

ISAI 5:9

Sipaihai LALPA chun ka naah hieng ang hin a tih, “Titakzetin in tamtak, lientak tak, mawitak takhai chu a thlûttu um loin la ram a ta;

JEREMIA 12:7

Ka in chu ka mâksan tah a, ka rohluona khawm chu ka pei thlâk a, ka thlain a hmangai dittak chu a hmêlmahai kuomah ka pêk tah a.

JEREMIA 15:4

Chun, anni chu, Juda lal Hezekia naupa Manasse Jerusalema a thil- thawhai lei khan, hnuoi chunga lalram po pohai laia chun hmatieng hnungtienga hnawtlêng dingin inumtir ka tih.

JEREMIA 4:29

Khawpui sûng po po chu sakawr chung chuong mihai le, thal kâp mihai ria chun an tlânseh a; chîm- bukahai chun an feh a, râwlkhoahai chun an lâwn a; khawpui tinhai chu mâksanin a um a, mi hrim an chêng ta nawh a.

JEREMIA 52:27

Babulon lal chun anni chu a hrem a, Hamath rama Riblaa chun anni chu a that tâwl tah a. Chuong- chun, a rama inthawk chun Juda chu sala intâng dinga ṭhuoi a ni tah a.

ṬAP HLA 5:20

Iengdinga keini mi theinghil kumkhuoin, Chuong chen lâwm lâwm iengdinga mi nghatsan el am i na?

ZEPHANIA 1:3

“Mihriem le sa khawm sukbo- hmang ka ta, chunglêng vatehai le, tuisuorieta ngahai le mi khawhlohai insuithlûktir ka ta; chun, sukbo- hmang vawng ka ta; chun, leihnuoi chunga inthawk hin mihriem chu sât thlâng ka tih,” LALPA chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:15

Anni pei thlâkna hman khawvêl ta dinga inrem nâwkna a ni chun, anni lâwm nâwkna ding chu, thinaa inthawka hring nâwkna naw chu ieng am ning a ta?

DÂN PAHNINA 28:64

“Chun, LALPA chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.