ISAI 59:6 - Pathien Lekhabu Inthieng (BSI)

⁶ An aium rîl puon chu silfênahai hung inchang naw nih a, an thil- thawhai chun inbel bawk naw ni hai; an thilthawhai chu khawhlona thil- thawhai a na, thil nunsetaka thawna chu an kutah a um bawk a.

ISAI 59:6 ပူးပေါင်းရင်းမြစ်များ

INṬANNA 6:11

Chun, hnuoi hi Pathien mit- hmuin a se zo tah a, hnuoi hi inpâwngnêknain a sip zo ta bawk a.

JOB LEKHABU (THE BOOK OF JOB) 16:17

Ka kutahai chun inrawmna a um naw a, Ka ṭawngṭaina chu ân thieng a.

INPÂKNA HLABU 55:11

Rîtlona a sûngah a um a, Hlêmna le zâwrna chun a kawtthlêr chu a suoksan ngai nawh.

INPÂKNA HLABU 58:2

Anih, in lungrila chun thil suoltak in thaw hlak a; Hnuoia in kuta thil nunsetaka thaw chu in bûk hlak a.

ISAI 30:1

LALPA chun, “Nau helhmang- hai chu an chung a rik ie! chuonghai chun mi an râwn a, kei ruok chu an mi râwn si nawh a, an suol chunga suol an belsana dingin inkhumnain an inkhum a, ka thlarau thu ruok chun an inkhum si nawh a;

ISAI 5:7

Sipaihai LALPA grêp huon chu Israel sûngkuo hi a na, Juda mihai hi a kûng ditumtak chu an ni sih a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 57:12

I felna thu hi hril ka ta, i thil- thawhai chu i ta dingin ienga ṭha- hnem ni naw nih.

ISAI 58:4

Ngai ta u, innghirnghona le in- sêlna ding el, rîtlona kuttuma inchum dingin a nih, bu in nghei hlak chu: in râwl hi chungtienga inhriettir tlâk zâwngin chu ni chun bu in nghei ngai nawh.

ISAI 64:6

Mi inthieng naw angin kan lo um vawng ta sih a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

JEREMIA 6:7

Tuisunsuo chun a tuihai a phu- suok angin, a khawhlonahai chu a phusuok a; a sûnga chun inpâwng- nêkna le suksietna hriet a na, ka hmaa chun natna le hliemnahai chu a um zing zing a nih.

EZEKIEL 18:12

mi tlasam le mi rimsihai lo insuksuoltir tah a, thawluinaa lo sukse tah a, hnina lo ngaisak lo a, milimhai tienga a mithai lo inlên tah a, tirdakumnahai lo thaw tah a,

EZEKIEL 7:11

Thawluinaa inthawkin rîtlona hmawl a hung suok a, a tu el khawm um sawng thei naw nih a, an mipuihai khawm, an hausaknahai khawm; anni lai chun a ṭhabik ti khawm um naw nih.

EZEKIEL 7:23

Khaidiet chu siem rawh; ram chu thisen insuo thusiein a sip a, khawpui sûng chu inpâwngnêknain a sip sih a.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘LALPA chun ram hi a nghatsan tah a, LALPA chun a hmu nawh,’ an ti sih a.

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” LALPAIN a tih a.

AMOS 6:3

Nangni ni ṭha naw hlataka sie le nunse ṭhungna inhnaitir hai;

MIKA 2:8

Nisienlakhawm, ka mihai chu tulai hnaia hin hmêlma angin an hung ngîrdawk a nih; indo nuom lo a, râlmuongtaka mi inlawnhaia in- thawkin an silfên zakawfuolhai in hlîppêk a.

MIKA 6:12

Chutaka mi hausahai chu pâwngnêknain an sip sih a, chutaka chênghai chun khêl an hril a, an bau sûnga an lei chu mi hlêm hmang a nih.

ZEPHANIA 1:9

Chun, chu ni chun hlêmna le nunsietna leia an hotuhai in suksip hlaktuhai, hrizâwl chunga inchâwm hlakhai chu hrem bawk ka tih.

ZEPHANIA 3:1

Khawpui nêksâwra um, sukpawr- chea um le hela um chu a chung a va rik de!

MALAKI 2:16

“Inmâk hi ka theida a nih,” LALPA, Israelhai Pathien chun a tih, “mâni silfên inpâwngnêknaa inkhum leh,” sipaihai LALPA chun a tih. Chuleiin, in thlaraua chun fimkhur unla, khawhlotaka in thaw nawna dingin.