ISAI 59:3 - Pathien Lekhabu Inthieng (BSI)

³ In kuthai chu thisen sukpawr- chein a um a, in kutpârhai hlak khawhlonaa sukpawrchein a um sih a; in hmûrhai chun khêl a hril a, in lei chu rîtlona thu hrilin a chier num num hlak.

ISAI 59:3 ပူးပေါင်းရင်းမြစ်များ

THUVARHAI 6:17

Mit mengsânghai, lei khêlhlip, Pawitâwklo thisen insuoktir hlak kuthai le chun,

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip sih a.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhim- na dingin kan hmang a, khêl hnuoi- ah kan inbihmang ta sih a,” in ti leiin;

ISAI 3:8

A ropuina mit chu suknuor dinga an ṭawng le an thilthawhai chu LALPA do tieng a ni leiin Jerusalem chu a se zo a, Judahai chu an tlu zo tah a nih.

ISAI 30:9

Chuonghai chu mi hel hmang dâm, nau khêlhlip dâm, nau, LALPA dân ngai nuom lohai an ni sih a;

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut chang- tieng hin khêl a um naw am a nih?’ a ti thei nawna dingin ama chu ân pêttir tah.

ISAI 59:13

kan bawsiet dâm, LALPA kan inphatsan dâm, kan Pathien zui pei loa kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 6:5

Chu phingleh kei chun, “Hmûr tirdakum put mi ka na, hmûr tirdak- um put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai LALPA chu a hmu ta sih a,” ka tih a.

ISAI 9:15

Upa le mi inzaumhai chu a lu chu an na, khêl inchûktir hlak zâwl- neihai chu a mei chu an nih.

JEREMIA 2:30

A thlâwn elin in thlahai chu ka lo vuok tah a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 2:34

I fênthuoa khawm mi rimsi, pawitâwklohai thisen chu hmu a ni si a; an rawk laitaka man si loin. Hieng po po bâka hin nang chun,

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni nawh a.

JEREMIA 7:8

Ngai ta u, thukhêlhliphai, ṭhat- hnemna neilohai chu in ring a.

JEREMIA 9:2

Ka chipuihai hi ka mâksana, an kuoma inthawka ka fe theina dingin, thlalêra hin khuol inzinhai riekna hmun nei lang chu aw! anni chu uirehai le, mi khawhlohai um khâwm an ni vawng el sih a.

JEREMIA 9:7

Chuleiin, sipaihai LALPA chun hieng hin a tih: Ngai ta, anni chu suktui ka ta, ka fie ding a nih; ka chipuihai naunu lei chun ieng dang am thaw tâng ka ta?

EZEKIEL 13:8

Chuleiin, Lalpa PATHIEN chun hieng hin a tih: “Teplo mei mei in hril a, khêlhai chu in hmu leiin, ngai ta u, nangni chu ka dodâl cheu a nih. Lalpa PATHIEN chun a tih.

EZEKIEL 22:2

“Nang mihriem naupa, khawpui thisen insuo hmang chungthu hi i rêl ding am a nih, i rêl ding am a nih? A tirdakumnahai po po chu inhriettir vawng rawh.

EZEKIEL 35:6

ka hring zing angin, Lalpa PATHIEN chun hieng hin a tih: thisen ta dingin buotsai ka ti cheh a, thisen chun hnawt a ti che; thisen chu i theida naw leiin, thisen chun hnawt a ti che.

EZEKIEL 7:23

Khaidiet chu siem rawh; ram chu thisen insuo thusiein a sip a, khawpui sûng chu inpâwngnêknain a sip sih a.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘LALPA chun ram hi a nghatsan tah a, LALPA chun a hmu nawh,’ an ti sih a.

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

HOSEA 7:13

An chung a rik ie; ka kuoma inthawkin an fe hmang ta sih a! Bohmangna an chungah a tlung ie, ka chungah an hel ta sih a! Kei chun anni sandam ka nuom a, Anni ruok chun khêl an mi hril khum a,

HOSEA 7:3

An rîtlona chun laltak an suklâwm a; An thu khêlin mi lienhai an suklâwm bawk a.

MIKA 3:4

Chu pha chun LALPA chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

MIKA 6:12

Chutaka mi hausahai chu pâwngnêknain an sip sih a, chutaka chênghai chun khêl an hril a, an bau sûnga an lei chu mi hlêm hmang a nih.

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,