ISAI 59:16 - Pathien Lekhabu Inthieng (BSI)

¹⁶ Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a tih a; chuleiin, ama bân ngei chun san- damna ân siempêk a, ama felna ngei chun ama le ama ân chelngîr tah a.

ISAI 59:16 ပူးပေါင်းရင်းမြစ်များ

INPÂKNA HLABU 106:23

Chuleiin, sukbohmang rawi a tih, tia, a lunginsen sukkîr dingin, A mi thlang Mosie chu a lûtna dinga chun a hmaah ngîr naw sien lem chu, Sukbohmang a tih, ti a hril a.

INPÂKNA HLABU 94:16

Tu am thil ṭha naw thawtuhai mi thawpêk dingin tho a ta? Tu am thil suksuoltuhai mi thawpêk dingin ngîr a ta?

INPÂKNA HLABU 98:1

Aw LALPA chawimawiin hla thar sak unla, Thil maktakhai a thaw ta sih a; A kut changtieng le a bân inthieng chun ama ta dingin sandamna a siempêk tah a.

ISAI 33:2

Aw LALPA, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 33:3

Sa mur mur ria chun mi tin chu an tlân hmang tah a; nang i hung tho meu chun hnam tin chu sukdarin an um tah.

ISAI 40:10

En ta u, Lalpa PATHIEN chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 41:28

Chun, ka hei en khawma mi hrim hrim an um nawh a; anni chu ka hei indawn khawmin anni lai remruottu, thu pakhat khawm dawn thei, tukhawm an um dêr nawh.

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 51:5

Ka felna chu a hnai a, ka san- damna chu a suok tah a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 51:9

Aw LALPA bân, har la, har la, hrâtna thar inbel rawh; tienlaia, tien- lai suonhai um laia i har ang khan har rawh. Nang hi Rahab sât nawi- tu, dragon suntu kha i ni an nâwm a nih?

ISAI 52:10

LALPA chun hnam tinrênghai mithmua chun a bân inthieng chu a hlîm tah; chuongchun, kâwlkaw- dawnga mi po poin ei Pathien san- damna chu hmûng an tih.

ISAI 53:1

Kan thuhril tuin am a ring a? LALPA kut chu tu kuom am ân lang a?

ISAI 62:8

LALPA chu a changtieng le a bân hrâttak sâlin ṭawng ân khâm tah a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 64:7

Chuongchun, i hming lama, nangma chel dinga mâni insukhar tukhawm an um dêr nawh a, keini kuoma hin i hmai i thup ta sih a; kan khawhlonahai hmangin i mi sukbo- hmang tah a nih.

JEREMIA 5:1

Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

EZEKIEL 22:30

Anni lai chun mi, ram chu ka suksiet nawna dinga dâi chu siem ṭha ding le, ram ta dinga, ân âwngnaa ka hmaa ngîr ding ka zawng a, nisien- lakhawm, tukhawm ka hmu nawh a,

MARKA 6:6

An awi nawna chu mak a ti hle a. Chun, inchûktir pum peiin khuohai chu a fang vêl a.