ISAI 59:10 - Pathien Lekhabu Inthieng (BSI)

¹⁰ Mitdel angin bang ei themmai zut zut hlak a, anih, mit nei nawhai angin ei themmai hlak; thimbut ang elin sûnah ei insui hlak a; mi hrâthai lai chun mithi ang el ei nih.

ISAI 59:10 ပူးပေါင်းရင်းမြစ်များ

JOB LEKHABU (THE BOOK OF JOB) 5:14

Sûn huna chun inthimna leh an intuok a, Sûnchang lai zâna ang elin an inmai hlak.

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

ISAI 28:13

Chuleiin, an feh a, an thala an tlûk a, an kawinawi a, chânga an âwk a, mana an um theina dingin, LALPA thu chu annirawi ta ding chun, thu- nunna thu chunga thununna inchuon a, thununna thu chunga thununna inchuon a, dân chunga dân inchuon a, dân chunga dân inchuon a; sawtakah tlawmte, hitakah tlâwmte ti ruok ni el a tih.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

ISAI 8:15

Chuongchun, mi tamtakin chu chu insuiin tlûng an ta, suknâwiin um an ta, âwk an ta, manin um an tih,” tiin.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin LALPA in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem tah a.

ṬAP HLA 3:6

Sâwttaka lo thi tahai ang khan, hmun inthimahai chun a mîn chêngtir a.

ṬAP HLA 4:14

Kawtthlêrhaia chun mitdel angin an invâk a, thisenin an pawrcheh a, Chuleiin, mi tukhawma an silfênhai chu an them thei nawh.

EZEKIEL 21:15

An dâi kawtkhârhai po po zâwna chun kâwlhnâm inzum chu kân nghat a, an lungrilhai chu a hung intui theina ding le, mi tamtak an tlûk theina dingin. E, kâwlinlep anga siem a ni chu aw! dettaka chel a ni tah a.

AMOS 8:9

Chun, Lalpa PATHIEN chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

MIKA 3:6

Chuleiin, inlârna in nei naw hielna dingin in kuomah zân hung tlung a ta, ai in sân thei nawna khawpin in kuomah inthimna hung tlung a tih; zâwlneihai ta ding chun nisa liem a ta, sûn khawm an chunga chun khaw inthim nîng a tih.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 12:40

“Amain an mit a sukdel a, An lungril a sukvêt a; Chuong naw chun, an mitin hmu rawi an ta, An lungrilin hre rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

DÂN PAHNINA 28:29

mitdelin thimthama a dap a dap angin sûn vara khawm dap dap in ta, in khawsak thua chun tluongtlung ta naw ti niu; chun, nêksâwr ding le râllâk ding ringawt ni zawmzat in ta; sansuok ding cheu tukhawm um naw ni hai.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.